ଗଜପତି ( ଆୱାଜ ମିଡ଼ିଆ ) – ବିବେକାନନ୍ଦ ବେହେରା : ଗଜପତି ଜିଲ୍ଲା ସଦର ମହକୁମା ପାରଳାଖେମୁଣ୍ଡି ସ୍ଥିତ ଗୁଣ୍ଡିଚା ବାଡ଼ି ମନ୍ଦିର ପ୍ରାଙ୍ଗଣରେ ବରିଷ୍ଠ ନାଗରିକ ମଞ୍ଚର ବାର୍ଷିକ ଅଧିବେଶନ ଅନୁଷ୍ଠିତ ହୋଇଯାଇଛି । ଏହି ସଭାରେ ଅବସର ପ୍ରାପ୍ତ ଅଧ୍ୟାପକ ନୃସିଂହ ପ୍ରସାଦ ଦାଶଙ୍କ ସଭାପତିତ୍ୱରେ ସଂପାଦକ ହରି ମୋହନ ପଟ୍ଟନାୟକ, ଉପ ସଭାପତି ଜଗଦୀଶ ମହାପାତ୍ର ଏବଂ ସ୍ଥାୟୀ ସଭାପତି ଲକ୍ଷ୍ମୀନୃସିଂହ ରଥ ମଞ୍ଚାସିନ ଥିଲେ । ସ୍ଥାୟୀ ସଭାପତିଙ୍କ ପ୍ରସ୍ତାବ କ୍ରମେ ଇହଲୀଳା ସମ୍ବରଣ କରିଥିବା ସଭ୍ୟ ସଭ୍ୟାଙ୍କ ନିମନ୍ତେ ଦୁଇ ମିନିଟ ନିରବ ପ୍ରାର୍ଥନା କରାଯାଇ ଥିଲା ।
ସଭ୍ୟ ମାନଙ୍କ ଆଲୋଚନା କ୍ରମେ ପାରଳାଖେମୁଣ୍ଡି ସହରର ଟ୍ରାଫିକ ସମସ୍ୟା ରାସ୍ତାଘାଟରେ ଦୁର୍ଘଟଣା ଉପରେ ଘୋର ଉଦବେଗ ପ୍ରକାଶ କରାଯାଇ ପ୍ରତିକାର ନିମନ୍ତେ ପ୍ରଶାସନ କୁ ଅନୁରୋଧ କରାଗଲା । ବ୍ୟାଙ୍କ, ବିଦ୍ୟୁତ, ଖଜଣାଆଦାୟ କେନ୍ଦ୍ର ରେ ବରିଷ୍ଠ ନାଗରିକ ଙ୍କ ପାଇଁ ସ୍ୱତନ୍ତ୍ର ଧାଡିର ବ୍ୟବସ୍ଥା ପାଇଁ ଦାବି କରାଯାଇଛି । ବରିଷ୍ଠ ନାଗରିକ ମଞ୍ଚ କାର୍ଯ୍ୟାଳୟ ନିମନ୍ତେ ଏକ ସ୍ୱତନ୍ତ୍ର କୋଠା ଘର ପାଇଁ ଜମି ପ୍ରଦାନ ଓ ବରିଷ୍ଠ ନାଗରିକ ଅବସର ବିନୋଦନ କେନ୍ଦ୍ର ନିମନ୍ତେ ସ୍ୱତନ୍ତ୍ର ଗୃହ ଯୋଗାଇବା ପାଇଁ ଜିଲ୍ଲାପାଳ ମହୋଦୟ ଙ୍କୁ ଅନୁରୋଧ କରାଯିବା କୁ ପ୍ରସ୍ତାବ ଗୃହୀତ ହେଲା ଶେଷରେ ସଭାପତି ଙ୍କୁ ଧନ୍ୟବାଦ ଅର୍ପଣ କରି ସଭା ସାଙ୍ଗ କରାଗଲା !!