ନୟାଗଡ ( ଆୱାଜ ମିଡ଼ିଆ ) – କିଶୋର ମହାପାତ୍ର : ନୟାଗଡ ଜିଲ୍ଲା ରଣପୁର ଶିକ୍ଷା ବ୍ଲକର ତୃତୀୟ ଓ ପଞ୍ଚମ ଶ୍ରେଣୀର ବୃତ୍ତି ପରୀକ୍ଷା ଫଳ ପ୍ରକାଶିତ ହୋଇଛି l ପ୍ରକାଶ ପାଇଥିବା ବୃତ୍ତି ପରୀକ୍ଷା ରେଜଲ୍ଟ ତାଲିକା ଅନୁଯାୟୀ ରଣପୁର ସୁଆଁସିଆ ପ୍ରାଥମିକ ବିଦ୍ୟାଳୟର ଛାତ୍ରୀ ପ୍ରତୀକ୍ଷା ପ୍ରିୟଦର୍ଶିନୀ ବ୍ଲକରେ ସର୍ବାଧିକ ନମ୍ବର ରଖି ତୃତୀୟ ଶ୍ରେଣୀରେ ଟପର ହୋଇଥିବା ବେଳେ ପଞ୍ଚମ ଶ୍ରେଣୀରେ ନିଳପଲ୍ଲୀ ପ୍ରାଥମିକ ବିଦ୍ୟାଳୟର ଓମ ପ୍ରକାଶ ସାହୁ ସର୍ବାଧିକ ନମ୍ବର ରଖି ବ୍ଲକ ଟପର ହୋଇଥିବା ଜଣା ପଡିଛି l ତୃତୀୟ ଶ୍ରେଣୀ ବୃତ୍ତି ପରୀକ୍ଷାରେ ମୋଟ 20 ଜଣ ଓ ପଞ୍ଚମ ଶ୍ରେଣୀ ବୃତ୍ତି ପରୀକ୍ଷାରେ 20 ଜଣ ସଫଳତା ଲାଭ କରିଥିବା ଜଣା ପଡିଛି l
ପ୍ରତୀକ୍ଷା ଙ୍କର ସଫଳତାରେ ତାଙ୍କ ପିତା ଗଙ୍ଗାଧର ମହାରଣା ଓ ମାତା କନକଲତା ସ୍ୱାଇଁ ଅତ୍ୟନ୍ତ ଖୁସି ପ୍ରକାଶ କରିଛନ୍ତି l ବିଦ୍ୟାଳୟ ପ୍ରଧାନ ଶିକ୍ଷୟତ୍ରୀ ରିତାଞ୍ଜଳୀ ମହାରଣା ମଧ୍ୟ ଅତ୍ୟନ୍ତ ଆନନ୍ଦିତ ହେବା ସହ ପ୍ରତୀକ୍ଷାର ଉଜ୍ଜଳ ଭବିଷ୍ୟତ ପାଇଁ ଶୁଭେଚ୍ଛା ଜଣାଇଛନ୍ତି l ବୃତ୍ତି ପରୀକ୍ଷାରେ ସଫଳତା ଲାଭ କରିଥିବା ସମସ୍ତ ଛାତ୍ରଛାତ୍ରୀଙ୍କୁ ବ୍ଲକ ଶିକ୍ଷା ଅଧିକାରୀ ରତ୍ନାକର ପାଣି ଶୁଭେଚ୍ଛା ଜଣାଇବା ସହ ଆଶୀର୍ବାଦ ପ୍ରଦାନ କରିଛନ୍ତି l