ଖୋର୍ଦ୍ଧା ( ଆୱାଜ ମିଡ଼ିଆ ) – ଯୋଗେଶ୍ୱର ପଣ୍ଡା : ଖୋର୍ଦ୍ଧା ଜିଲ୍ଲା ବୋଲଗଡ଼ ବ୍ଲକ ଗେଡ଼ିଆପଲ୍ଲୀ ପଞ୍ଚାୟତ ସଲଗ୍ନ ଚନ୍ଦନ ପୋଖରୀ ପରିସରରେ ହନୁମାନ ମନ୍ଦିର ପ୍ରତିଷ୍ଠା ଓ କଳସ ଶୋଭାଯାତ୍ରା ଅନୁଷ୍ଠିତ ହୋଇଯାଇଛି । ଗ୍ରାମର ଶ୍ରଦ୍ଧାଳୁ ମାନେ କଳସ ଶୋଭାଯାତ୍ରାରେ ବାହାରି ଗ୍ରାମ ପରିକ୍ରମା କରିବା ପରେ ନବ ନିର୍ମିତ ମନ୍ଦିର ନିକଟରେ କଳସ ସ୍ଥାପନ କରାଯାଇଥିଲା । ପରେ ଶୁଦ୍ଧପୁତ ଭାବରେ ବ୍ରାହ୍ମଣ କାନ୍ଦୁରୀ ମିଶ୍ରଙ୍କ ତତ୍ତ୍ଵାବଧାନରେ ଗୌରାଙ୍ଗ ପଣ୍ଡା ଓ କମଳା ପଣ୍ଡା କର୍ତ୍ତା ଭାବରେ ବସିବା ପରେ ହୋମଯଜ୍ଞ ଆରମ୍ଭ ହୋଇଥିଲା । ଏହି କାର୍ଯ୍ୟକ୍ରମରେ ଭଜନ ଓ ନାମ ସଂକୀର୍ତ୍ତନ ରେ ସଂପୂର୍ଣ୍ଣ ଗ୍ରାମରେ ଭକ୍ତିମୟ ପରିବେଶ ସୃଷ୍ଟି ହୋଇଥିଲା ।
