କଳାପଥର ( ଆୱାଜ ମିଡ଼ିଆ ) – ପ୍ରଶାନ୍ତ କର : ଚତୁର୍ଥ ସ୍ବନକ୍ଷତ୍ର ଉପଲକ୍ଷେ ପ୍ରତୀକ୍ଷା ପରିବାର ତରଫରୁ ନଭେମ୍ବର ୬ ତାରିଖରେ ଆୟୋଜିତ ହେବ ରକ୍ତଦାନ ଶିବିର ! ପ୍ରତୀକ୍ଷା ସାହିତ୍ୟ ଓ ସେଵା ପ୍ରତିଷ୍ଠାନ, କଳାପଥର ତରଫରୁ ତାହାର ଚତୁର୍ଥ ସ୍ବନକ୍ଷତ୍ର ଉପଲକ୍ଷେ ଆସନ୍ତା ନଭେମ୍ବର ୦୬ ତାରିଖ ( ରବିବାର ) ଦିନ ଏକ ସ୍ବେଚ୍ଛାକୃତ ରକ୍ତଦାନ ଶିବିର ଅନୁଷ୍ଠିତ ହେବ । କଳାପଥର ଧଳାପଥର ଉଚ୍ଚ ବିଦ୍ୟାଳୟ ପରିସରରେ ସକାଳ ୯ ଘଟିକାରୁ ଦିନ ୧ ଘଣ୍ଟା ପର୍ଯ୍ୟନ୍ତ ଉକ୍ତ ରକ୍ତଦାନ ଶିବିର କାର୍ଯ୍ୟକ୍ରମ ଚାଲିବ । ଖୋର୍ଦ୍ଧା ବ୍କଡ ବ୍ୟାଙ୍କ ତରଫରୁ ରକ୍ତଦାତାଙ୍କ ଠାରୁ ରକ୍ତ ସଂଗ୍ରହ କରାଯିବ । ଏଥିପାଇଁ ଏକ ପ୍ରସ୍ତୁତି ବୈଠକ କଳାପଥରର ଆୟୁଷ ପଢାଘର ଠାରେ ଅନୁଷ୍ଠିତ ହୋଇଯାଇଛି । ବହୁ ସଂଖ୍ୟାରେ ରକ୍ତଦାତା ମାନେ ଉପସ୍ଥିତ ରହି ଶିବିରକୁ ସଫଳ କରିବାପାଇଁ ପ୍ରତୀକ୍ଷା ପରିବାର ତରଫରୁ ଅନୁରୋଧ କରାଯାଇଛି । ଅନୁଷ୍ଠିତ ପ୍ରସ୍ତୁତି ବୈଠକରେ ସାମ୍ବାଦିକ ଯୋଗେଶ୍ୱର ପଣ୍ତା, ଅନୁଷ୍ଠାନର ସଂପାଦକ ସୁବ୍ରତ କୁମାର ନାୟକ, ଶିକ୍ଷାବିତ ବସନ୍ତ ନାୟକ , ଯୁବନେତା ବିଭୁତି ଭୁଷଣ ଦଳସିଂହ ରାୟ , ଅଧ୍ୟାପିକା ମମତା ଜେନା, ସାମାଜିକ କର୍ମୀ ସୁବ୍ରତ ପ୍ରଧାନ ପ୍ରମୁଖ ଉପସ୍ଥିତ ରହିଥିଲେ ।
