ଟାଙ୍ଗୀ ( ଆୱାଜ ମିଡ଼ିଆ ) – ରାକେଶ ସାହୁ : ଖୋର୍ଦ୍ଧା ଜିଲ୍ଲା ଟାଙ୍ଗୀ ବ୍ଲକର ହରିପୁର ଗ୍ରାମର ସମସ୍ତ ଗୁରୁଭାଇ ଓ ମା ମାନଙ୍କ ସହଯୋଗରେ ପରମ ପ୍ରେମମୟ ଶ୍ରୀ ଶ୍ରୀ ଠାକୁର ଅନୁକୂଳଚନ୍ଦ୍ରଙ୍କ ୧୩୫ତମ ଶୁଭ ଜନ୍ମ ଦିବସ ଓ ବାର୍ଷିକ ଉତ୍ସବ ମହା ସମାରୋହରେ ପାଳିତ ହୋଇଯାଇଛି । ଏହି ପବିତ୍ର ସତସଙ୍ଗରେ ଅଧକ୍ଷତା କରିଥିଲେ ଖୋର୍ଦ୍ଧା ସତସଙ୍ଗ ବିହାରରୁ ଆସିଥିବା ବରିଷ୍ଠ ସହପ୍ରତି ଋତିକ୍ କାଶିନାଥ ସାହୁ । ସନ୍ଧ୍ୟା ୭ ଘଟିକା ସମୟରେ ସମବେତ ପ୍ରାର୍ଥନା ପରେ ଗ୍ରନ୍ଥପାଠ , ସଙ୍ଗୀତାଞ୍ଜଳୀରେ ଭୁଵନେଶ୍ୱରରୁ ଆସିଥିବା କରମଳାକ୍ଷ ଭାଇ ଓ ଟିମ୍ କୋରସ କିର୍ତ୍ତନ ପରିବେଶଣ କରିଥିଲେ କାଇପଦର ସତସଙ୍ଗ କେନ୍ଦ୍ରର କୁନା ଭାଇ । ପରେ ପ୍ରାରମ୍ଭିକ ଆଲୋଚନା କରିଥିଲେ ସହ ପ୍ରତିଋତ୍ୱିକ ଗତିକୃଷ୍ଣ ଉତ୍ତରକବାଟ, ବିସ୍ତୃତ ଆଲୋଚନା କରିଥିଲେ ସନ୍ୟାସ କୁମାର ବେହେରା ସହପ୍ରତି ଋତ୍ୱିକ । ମାନଵ ଜୀବନରେ ଗୁରୁଗ୍ରହଣର ଆବଷ୍ୟକତା। ଓ ମନୁଷ୍ୟ ଜୀବନରେ ଯଜନ ଯାଜନ ଇଷ୍ଟଭୃତି ପାଳନ ଏକାନ୍ତ ପ୍ରୟୋଜନ ଆଲୋଚନା କରିଥିଲେ । ଏହି ପବିତ୍ର ସତସଙ୍ଗର ପ୍ରାୟ ୩୦୦ରୁ ଅଧିକ ଗୁରୁଭାଇ ଓ ମା ଉପସ୍ଥିତ ଥିଲେ । ପରେ ଆନନ୍ଦ ବଜାରରେ ପ୍ରସାଦ ସେବନ କରିଥିଲେ । ପ୍ରଭାକର ରଥ, ପୁରୁଷୋତ୍ତମ ପାଲଟାସିଂହ, କଣ୍ଡୁରୀ ପ୍ରଧାନ, ମାଧବ ପଣ୍ଡା, ଓ କହୁ କର୍ମୀ ଉପସ୍ଥିତ ଥିଲେ ଓ ସତସଙ୍ଗର ଦୀକ୍ଷା ପତ୍ର କାର୍ଯ୍ୟକ୍ରମ ହୋଇଥିଲା !
