ଗଜପତି ( ଆୱାଜ ମିଡ଼ିଆ ) – ବିବେକାନନ୍ଦ ବେହେରା : ଗଜପତି ଜିଲ୍ଲା ସଦର ମହକୁମା ପାରଳାଖେମୁଣ୍ଡି ସ୍ଥିତ ଫ୍ରେଣ୍ଡସ୍ କଲୋନୀ ତୃତୀୟ ଗଳି ଠାରେ ଥିବା ନବ ଜୀବନ ସଙ୍ଘ ଗଜପତି ଶାଖା ପକ୍ଷରୁ ଆୟୋଜିତ ଶ୍ରୀରାମ ଚରିତ ମାନସ ନବାହ୍ନ ପାରାୟଣ ଓ ପ୍ରବଚନ ମହାଯଜ୍ଞ ଉଦଯାପିତ ହୋଇଯାଇଛି । ସମ୍ବଲପୁରରୁ ଆସିଥିବା ବିଶିଷ୍ଟ ମାନସ ପ୍ରବଚକ ଶ୍ରୀଯୁକ୍ତ ପ୍ରଦୀପ କୁମାର ଶାସ୍ତ୍ରୀ ପ୍ରବଚନ ପ୍ରଦାନ କରୁଥିବା ବେଳେ ପ୍ରତ୍ୟେକ ଦିନ ପ୍ରାତଃ 7 ଘଣ୍ଟା ସମୟରେ ମହନ୍ତ ଶ୍ରୀ ରାମାନନ୍ଦ ଦାସ ମହାରାଜ ବ୍ୟାସ ରୂପେ ଯୋଗଦେଇ ପାରାୟଣ କରିଥିଲେ । ସନ୍ଧ୍ୟା ସମୟରେ ପ୍ରବଚନ କାର୍ଯ୍ୟକ୍ରମ ରହିଥିଲା । ଏହି ରାମ ଚରିତ ମାନସ ନବାହ୍ନ ପାରାୟଣ ଓ ପ୍ରବଚନ ମହାଯଜ୍ଞ ନଅ ଦିନ ଧରି ଚାଲିଥିଲା । ଶ୍ରୀରାମ ନବମୀ ତିଥିରେ ହୋମଯଜ୍ଞ ନାମ ସଂକୀର୍ତ୍ତନ ସହ ପ୍ରସାଦ ସେବନର ବ୍ୟବସ୍ଥା କରାଯାଇଥିଲା । କାର୍ଯ୍ୟକ୍ରମରେ ଦିବ୍ୟ ଜୀବନ ସଂଘର ସମ୍ପାଦକ ପ୍ରସାଦ କୁମାର ନାୟକ, ଦେବେନ୍ଦ୍ର ନାଥ ପାଢ଼ୀ, କୋଷାଧ୍ୟକ୍ଷ ମୋହନ ଚୌଧୁରୀ, ଡକ୍ଟର ମଧୁସୂଦନ ନାୟକଙ୍କ ସମେତ ବହୁ ଭକ୍ତ ଉପସ୍ଥିତ ଥିଲେ !
