ବାଣପୁର ( ଆୱାଜ ମିଡ଼ିଆ ) – ରାକେଶ ସାହୁ : ଆଦିବାସୀ ମାନେ ପ୍ରକୃତିର ସନ୍ତାନ । ସେମାନଙ୍କ ସଂସ୍କୃତି ଓ ପରମ୍ପରା ବହୁ ପ୍ରାଚୀନ । ସେମାନଙ୍କର ସଂସ୍କୃତିକୁ ଲୋକାଭିମୁଖି କରାଇବା ସହ ଆଦିବାସୀ ଅଞ୍ଚଳ ର ପର୍ଯ୍ୟଟନ ସ୍ଥଳୀର ବିକାଶ ପାଇଁ ବାଣପୁରର ଐତିହାସିକ ପଲଟଣ ପଡିଆ ଠାରେ ଆସନ୍ତା କାଲି ଆଠ ତାରିଖରୁ ଦଶ ତାରିଖ ପର୍ଯ୍ୟନ୍ତ ତିନି ଦିନ ଧରି ଆନ୍ତଃଜାତୀୟ ଆଦିବାସୀ ଯୁବ ମହୋତ୍ସବ ଅନୁଷ୍ଠିତ ହେବାକୁ ଯାଉଛି ! ଏନେଇ ବାଣପୁରର ସ୍ବେଛାସେବୀ ଅନୁଷ୍ଠାନ ଏକତା ପରିଷଦ ସଭାଗୃହରେ ଏକ ସାମ୍ବାଦିକ ସମ୍ମିଳନୀରେ ଏହାର ଆୟୋଜକ ପ୍ରକାଶ କରିଛନ୍ତି । ବାଣପୁରର ଏକତା ପରିଷଦ ଟ୍ରଷ୍ଟ ଓ ଖୋର୍ଦ୍ଧା ର ପ୍ରୋଜେକ୍ଟ ପଏଣ୍ଟ ମିଳିତ ଭାବରେ ଏହି କାର୍ଯ୍ୟକ୍ରମ ଆୟୋଜନ କରୁଛନ୍ତି ! ଏକତା ପରିଷଦ ଟ୍ରଷ୍ଟର ମ୍ୟାନେଜିଂ ଟ୍ରଷ୍ଟି ସଂନ୍ଧ୍ୟା ଦେବୀ ଓ ପ୍ରୋଜେକ୍ଟ ପଏଣ୍ଟ ର ଅଧ୍ୟକ୍ଷ ଡଃ ସଂଗ୍ରାମ କେଶରୀ ସାମନ୍ତରାୟ ମହୋତ୍ସବର କାର୍ଯ୍ୟକ୍ରମର ବିବରଣୀ ପ୍ରଦାନ କରିବା ସହ ଛତିଶଗଡ ର ମହାମହିମ ରାଜ୍ୟପାଳ ଏବଂ ରାଜ୍ୟ ସଭା ସାଂସଦ ଙ୍କ ସହ ବିଭିନ୍ନ ସଂସ୍ଥାର ମୁଖ୍ୟ ଯୋଗ ଦେବେ ବୋଲି କହିଛନ୍ତି । ପ୍ରତ୍ୟେହ ସନ୍ଧ୍ୟାରେ ସାଧାରଣ ସଭା ଆଲୋଚନା ଚକ୍ର ସହ ଓଡିଶା ତଥା ବିଭିନ୍ନ ରାଜ୍ୟ ଓ ଆନ୍ତଃଜାତୀୟ ଆଦିବାସୀ ଯୁବ ସମାଜ ସେମାନଙ୍କର ନୃତ୍ୟ ଗୀତ ପରିବେଷଣ କରିବେ ! ଓଡିଶା ସରକାର ଙ୍କ ଆଦିବାସୀ ଓ ସଂସ୍କୃତି ବିଭାଗର କଳାକାର ମାନେ ମଧ୍ୟ ଯୋଗ ଦେଉଛନ୍ତି । ପ୍ରଥମ ଥର ପାଇଁ ଏ ଭଳି ଆୟୋଜନ ଓଡ଼ିଶାରେ ହେଉଥିବା ସେମାନେ କହିଥିବା ବେଳେ ବାଣପୁର ବାସୀ ଏହାକୁ ଉପଭୋଗ କରିବା ସହ ଏହାକୁ ସଫଳ କରିବା ପାଇଁ ସମସ୍ତେ ସହଯୋଗ କରିବାକୁ ଆୟୋଜକ ଅନୁରୋଧ କରିଛନ୍ତି ।।
ଆସନ୍ତା କାଲି ଠାରୁ ବାଣପୁର ରେ ଆନ୍ତଃଜାତୀୟ ଆଦିବାସୀ ସାଂସ୍କୃତିକ ଯୁବ ମହୋତ୍ସବ !!!
