ବ୍ରଜେନ୍ଦ୍ର ଉଚ୍ଚ ବିଦ୍ୟାଳୟରେ ଜିଲ୍ଲା ସ୍ତରୀୟ ଅନ୍ତର୍ଜାତୀୟ ମହିଳା ଦିବସ –୨୦୨୬ ପାଇଁ ପ୍ରତିଯୋଗିତା ଅନୁଷ୍ଠିତ !!!

ନୟାଗଡ ( ଆୱାଜ ମିଡ଼ିଆ ) – ସ୍ୱରୂପ କୁମାର ପଟ୍ଟନାୟକ : ନୟାଗଡ ଜିଲ୍ଲାର ବ୍ରଜେନ୍ଦ୍ର ଉଚ୍ଚ ବିଦ୍ୟାଳୟ ପରିସରରେ ଜିଲ୍ଲା ସ୍ତରୀୟ ଅନ୍ତର୍ଜାତୀୟ ମହିଳା ଦିବସ –୨୦୨୬ ଅବସରରେ ବିଭିନ୍ନ ପ୍ରତିଯୋଗିତା କାର୍ଯ୍ୟକ୍ରମ ସଫଳତାର ସହ ଅନୁଷ୍ଠିତ ହୋଇଯାଇଛି । କାର୍ଯ୍ୟକ୍ରମଟି ଜିଲ୍ଲା ସମାଜ ମଙ୍ଗଳ ବିଭାଗ ନୟାଗଡ଼ ଓ ଜିଲ୍ଲା ପ୍ରଶାସନଙ୍କ ପରିଚାଳନାରେ ଉତ୍ସାହ ଓ ଉଦ୍ଦୀପନା ମଧ୍ୟରେ ସମ୍ପନ୍ନ ହୋଇଥିଲା । ଉକ୍ତ ଅବସରରେ ନୟାଗଡ ଜିଲ୍ଲାପାଳଙ୍କ ସହିତ ଜିଲ୍ଲା ସମାଜ କଲ୍ୟାଣ ଅଧିକାରୀ, ସମସ୍ତ ଶିଶୁ ସୁଧାର ପ୍ରକଳ୍ପ ଅଧିକାରୀ, ସୁପରଭାଇଜର ମାନେ, ସୁରକ୍ଷା ଅଧିକାରୀ , ନୟାଗଡ଼ ଜିଲ୍ଲା ମହିଳା ସଶକ୍ତିକରଣ ହବ, ସମନ୍ୱୟକ, ବ୍ରଜେନ୍ଦ୍ର ଉଚ୍ଚ ବିଦ୍ୟାଳୟର ପ୍ରଧାନ ଶିକ୍ଷକ, ଜିଲ୍ଲା ପ୍ରକଳ୍ପ ସମନ୍ୱୟକ, ମମତା ଏବଂ ନୟାଗଡ଼ ଜିଲ୍ଲା ମହିଳା ସଶକ୍ତିକରଣ ହବର ସମସ୍ତ କର୍ମଚାରୀ ମାନେ ଉପସ୍ଥିତ ଥିଲେ । ଏହି କାର୍ଯ୍ୟକ୍ରମରେ ଜିଲ୍ଲାର ପ୍ରାୟ ୨୦୦ ଅଙ୍ଗନବାଡି କର୍ମୀ ଓ ଅଙ୍ଗନବାଡି ହେଲପରମାନେ ଅଂଶଗ୍ରହଣ କରିଥିଲେ । ପୂର୍ବରୁ ଆୟୋଜିତ ପଦଯାତ୍ରାରେ ସମସ୍ତେ ସାମିଲ ହୋଇ ମହିଳା ସଶକ୍ତିକରଣ ଓ ଲିଙ୍ଗ ସମତା ବାର୍ତ୍ତା ପ୍ରଚାର କରିଥିଲେ । ପ୍ରତିଯୋଗିତାମାନଙ୍କ ମାଧ୍ୟମରେ ମହିଳା ଅଧିକାର, ସ୍ୱାସ୍ଥ୍ୟ, ଶିକ୍ଷା ଓ ସମାଜରେ ମହିଳାଙ୍କ ଭୂମିକା ବିଷୟରେ ସଚେତନତା ସୃଷ୍ଟି କରାଯାଇଥିଲା । ଜିଲ୍ଲାପାଳ ନିଜ ଉଦ୍ବୋଧନରେ ମହିଳାମାନଙ୍କ ସମ୍ମାନ, ସୁରକ୍ଷା ଓ ସଶକ୍ତିକରଣ ପାଇଁ ସମସ୍ତଙ୍କୁ ଏକତ୍ରିତ ହୋଇ କାମ କରିବାକୁ ଆହ୍ୱାନ କରିଥିଲେ। ଉକ୍ତ କାର୍ଯ୍ୟକ୍ରମ ରେ ଅଙ୍ଗନବାଡି କର୍ମୀ ଏବଂ ଅଙ୍ଗନବାଡି ସହାୟିକା ମାନେ କବାଡି, ଖୋ ଖୋ, ରଗ ଅଫ ୱାର, ରଙ୍ଗୋଲି ଏବଂ ସଂଗୀତ ପ୍ରତିଯୋଗିତା ରେ ଅଂଶ ଗ୍ରହଣ କରି ବିଜେତା ଲାଭ କରିଛନ୍ତି ! ମହିଳା ସଶକ୍ତିକରଣ ଦିଗରେ ଏହି ପଦକ୍ଷେପ ଜିଲ୍ଲାରେ ଏକ ସକାରାତ୍ମକ ପରିବେଶ ସୃଷ୍ଟି କରିଥିବାରୁ ସମସ୍ତ ମହଳରେ ପ୍ରଶଂସା କରାଯାଇଥିଲା ।