ପୁରୀ ( ଆୱାଜ ମିଡ଼ିଆ ) – ବ୍ୟୁରୋ ରିପୋର୍ଟ : ବିଶ୍ୱ ପ୍ରସିଦ୍ଧ ଘୋଷଯାତ୍ରାରେ ଶ୍ରଦ୍ଧାଳୁଙ୍କ ସେବା ପାଇଁ ତତ୍ପର ହୋଇ ଉଠିଛି ଯୋଗ ମହୋତ୍ସବ ସମିତି ! ଶ୍ରଦ୍ଧାଳୁଙ୍କ ପାଇଁ ରନ୍ଧା ଖାଦ୍ୟ ଓ ପାନୀୟବ ଜଳର କରାଗଲା ବ୍ୟବସ୍ଥା ! ରଥ ଯାତ୍ରା ରେ ୫୦୦୦ ରୁ ଅଧିକ ଭକ୍ତଙ୍କ ପାଇଁ ଯୋଗ ମହୋତ୍ସବ ସମିତି, ଓଡ଼ିଶା ତରଫ ରୁ ରନ୍ଧା ଖାଦ୍ୟ ଖେଚୁଡ଼ି, ଡାଲମା ବ୍ୟବସ୍ଥା କରାଯାଇଛି । ରେଳ ଷ୍ଟେସନ ଓ ସମୁଦ୍ର କୂଳ ରୁ ଆସୁଥିବା ଭକ୍ତ ମାନଙ୍କ ସୁବିଧା ନିମନ୍ତେ ଭି ଆଇ ପି ରୋଡ ହରେକୃଷ୍ଣ ଆପାର୍ଟମେଣ୍ଟ ଠାରେ ରନ୍ଧା ଖାଦ୍ୟ ଯୋଗାଇ ଦିଆଯାଉଛି । ଯୋଗ ମହୋତ୍ସବ ସମିତି ଓଡ଼ିଶା ରାଜ୍ୟ ସଭାପତି ଆଲୋକ ଦାସ ଙ୍କ ନେତୃତ୍ୱ ରେ ସୁଚାରୁ ରୁପେ ଏହି ସେବା କାର୍ଯ୍ୟ ଚାଲୁଛି । ରନ୍ଧା ଖାଦ୍ୟ ବଣ୍ଟନ କାର୍ଯ୍ୟକ୍ରମରେ ଉପସଭାପତି ଅସୀମା ସାହାଣୀ, କୋଷାଧ୍ୟକ୍ଷ ଚନ୍ଦନ ପ୍ରଧାନ, ରାଜ୍ୟ ସଂଗଠକ ପ୍ରେମାନନ୍ଦ ନାଥ, ଯୋଗ ମହୋତ୍ସବ କଲେଜ ପ୍ରିନ୍ସିପାଲ୍ ଡକ୍ଟର ସନତ ପଟ୍ଟନାୟକଙ୍କ ସମେତ 25 ଜଣ ସ୍ବେଛାସେବୀ ସହଯୋଗ କରିଥିଲେ । ଆସନ୍ତା 19 ତାରିଖ ରବିବାର ଦିନ ୫୦୦ ରୁ ଅଧିକ ଯୋଗ ମହୋତ୍ସବ ର ସ୍ବେଛାସେବୀ ସମ୍ପୂର୍ଣ ସମୂଦ୍ର ବେଳାଭୂମି କୁ ସଫେଇ କରିବା ପାଇଁ ଯୋଜନା କରାଯାଇଛି ବୋଲି ରାଜ୍ୟ ସଂଗଠକ ପ୍ରେମାନନ୍ଦ ନାଥ ସୂଚନା ଦେଇଛନ୍ତି ।