ଗଜପତି ( ଆୱାଜ ମିଡ଼ିଆ ) – ବିବେକାନନ୍ଦ ବେହେରା : ଗଜପତି ଜିଲ୍ଲା ସଦର ମହକୁମା ପାରଳାଖେମୁଣ୍ଡି ସହର ଓ ବିଭିନ୍ନ ସାହି ଗଳିକନ୍ଦିରେ ଗଜାନନଙ୍କ ପୂଜା କୋଭିଡ଼ ଗାଇଡ଼ ଲାଇନ ଅନୁସାରେ ସମ୍ପର୍ଣ୍ଣ ହୋଇଯାଇଛି । କୋଭିଡ଼ ଯୋଗୁଁ ପର୍ବପର୍ବାଣି ଉପରେ ରାଜ୍ୟ ସରକାର କଟକଣା ଲଗାଇଛନ୍ତି ।ଗଣେଶ ପୂଜାକୁ ଜାକଜମକ ରେ ପାଳନ ନ କରି ସୀମିତ ଲୋକଙ୍କ ମଧ୍ୟରେ ପୂଜା ଅର୍ଚ୍ଚନା ନେଇ ସରକାର ଅନୁମତି ଦେଇଛନ୍ତି । ଏଥି ସହ 4 ଫୁଟ ଉଚ୍ଚତା ରୁ କମ ଥିବା ମୂର୍ତ୍ତି ହିଁ ପୂଜା ହୋଇ ପାରିବ ବୋଲି ଗାଇଡ଼ ଲାଇନ ରହିଛି । ଚଳିତ ବର୍ଷ କୋଭିଡ଼ କଟକଣା କୋହଳ ହୋଇ ଥିବା ବେଳେ ପୂଜା ପାଇଁ ଅନୁମତି ମିଳିଛି । ତେଣୁ ଜିଲ୍ଲାରେ ପୁର ପଲ୍ଲୀ ଠାରୁ ସହର ପର୍ଯ୍ୟନ୍ତ ଗଣେଶ ପୂଜା ଅତି ନିରାଡ଼ମ୍ବର ଭାବରେ ପାଳିତ ହୋଇଛି ।
