ଯାଜପୁର ( ଆୱାଜ ମିଡ଼ିଆ ) – ଜିଜ୍ଞାସୁ ସାହୁ : କାଳିଆପାଣି ଥାନା ଅନ୍ତର୍ଗତ କାଟେଣୀ ରେଙ୍ଗାଲି ରାସ୍ତାରେ ବଲେରୋ ଦୁର୍ଘଟଣାଗ୍ରସ୍ତ . ରାସ୍ତା କଡ଼ ସୁରକ୍ଷା ସିମେଣ୍ଟ ବାଡ଼ରେ ପିଟିହୋଇ ଦୁର୍ଘଟଣା ଘଟି କରଡ଼ାଗାଡ଼ିଆ ଗ୍ରାମର ଦୁଇ ପରିବାରରୁ ଜଣେ ମୃତ , ପାଞ୍ଚଜଣ ଗରୁତର ଆହତ । ସୂଚନା ମୁତାବକ ଶନିବାର ଅପରାହ୍ନ ସମୟରେରେ ଏକ ବଲେରୋ ଗାଡ଼ିରେ କରଡ଼ାଗାଡିଆ ଗ୍ରାମର ଦୁଇଟି ପରିବାର ର କିଛି ବ୍ୟକ୍ତି କରଡ଼ାଗାଡ଼ିଆରୁ କାଳିଆପାଣି ଦଶହରା ଯାତ୍ରା ଦେଖିବା ପାଇଁ କାଳିଆପାଣି ଅଭିମୁଖେ ଯାଉଥିବା ସମୟରେ କାଟେଣୀ ରେଙ୍ଗାଲି ରୋଡ ସାଇଟ ସିମେଣ୍ଟ ସୁରକ୍ଷା ବାଡ଼ରେ ଧକା ହୋଇ ବଲେରୋ ଟି ଭାରସାମ୍ୟ ହରାଇ ଓଲଟି ପଡିଥିଲା . ଘଟଣାସ୍ଥଳରେ କରଡ଼ାଗାଡ଼ିଆ ଗ୍ରାମର ଜଣେ ବ୍ୟକ୍ତି ଙ୍କର ମୃତ୍ୟୁ ଘଟିଥିବା ବେଳେ ଅନ୍ୟ ପାଞ୍ଚ ଜଣ ଆହତ ହୋଇ ସୁକିନ୍ଦା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି ହୋଇଛନ୍ତି । ଦୁର୍ଘଟଣା ଘଟିଥିବା ବଲେରୋ ଟି ଯାନ୍ତ୍ରିକ ତ୍ରୁଟି ଯୋଗୁ ଘଟଣାସ୍ଥଳରେ ଜଳି ଯାଇଥିବା ଦେଖିବାକୁ ମିଳିଥିଲା । ବଲେରୋ ଗାଡ଼ିଟିରେ ମୋଟ ୬ ଜଣ ଥିବା ବେଳେ ଅନ୍ୟ ୫ ଜଣଙ୍କୁ ଆହତ ଅବସ୍ଥାରେ ସୁକିନ୍ଦା ଗୋଷ୍ଠୀସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଛି । ଆହତଙ୍କ ମଧ୍ୟରେ ଜଣେ ସାତ ବର୍ଷର ନାବାଳକ ଥିବା ବେଳେ ମାକି ପୂର୍ତ୍ତି , ମାଧୁରୀ ପୂର୍ତ୍ତି , ଶ୍ରୀମତି ପୂର୍ତ୍ତି, ଶାନ୍ତି ଜାମୁଦା ଦୁର୍ଘଟଣାରେ ଆହତ ହୋଇଛନ୍ତି . ସୁକିନ୍ଦା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଆହତଙ୍କ ଚିକିତ୍ସା ଜାରି ରହିଥିବା ବେଳେ , ଘଟଣା ସ୍ଥଳରେ ସୁକିନ୍ଦା ଦମକଳ ବାହିନୀର କର୍ମଚାରୀ ପହଞ୍ଚି ନିଆଁକୁ ଆୟତ୍ତ କରିଥିଲେ . ଦୁର୍ଘଟଣା ସମ୍ପର୍କରେ ଖବର ପାଇ କାଳିଆପାଣି ପୋଲିସ ଘଟଣାସ୍ଥଳରେ ପହଞ୍ଚି ଘଟଣାର ତଦନ୍ତ ଆରମ୍ଭ କରିଥିବା ଦେଖିବାକୁ ମିଳିଛି ।
