ଭାପୁର ( ଆୱାଜ ମିଡ଼ିଆ ) – ବିଶ୍ୱଜିତ ବାରିକ : ଭାପୁର ବ୍କକ ଶାସନ ପଞ୍ଚାୟତ ଟିକିରିପଡା ଖେଳପଡିଆରେ ଚାଲିଥିବା ୧୫ ତମ ଦଧିବାମନ କ୍ରିକେଟ ଟୁର୍ଣ୍ଣାମେଣ୍ଟର ସପ୍ତମ ଲିଗ୍ ମ୍ୟାଚରେ ନଣ୍ଡାବର ବିଜୟୀ । ବୁଧବାର ଦିନ ନଣ୍ଡାବର କ୍ରିକେଟ ଟିମ ସହିତ ତଳମାରଡା କ୍ରିକେଟ ଟିମ ର ମ୍ୟାଚ ଅନୁଷ୍ଠିତ ହୋଇଥିଲା । ତଳମାରଡା ପ୍ରଥମେ ବ୍ୟାଟିଂ ନିଷ୍ପତ୍ତି ନେଇ ୧୮.୫ ଓଭରରେ ସମସ୍ତ ଉଇକେଟ ହରାଇ ୧୨୩ ରନ କରିଥିଲା । ଜବାବରେ ନଣ୍ଡାବର କ୍ରିକେଟ ଟିମ ଗୋଟିଏ ଇଉକେଟ ହରାଇ ଦିଲ୍ଲୀପ ବେହେରାଙ୍କ ୨୪ବଲରେ ଦ୍ରୁତ ୪୬ ରନ କରି ଦଳକୁ ବିଜୟୀ କରିଥିଲେ । ଏହି ମ୍ୟାଚରେ ମୁଖ୍ୟ ଅତିଥି ଭାବରେ ଦୁଇ ସମାଜସେବୀ ପ୍ରସନ୍ନ ଗୋଛି ଓ ରମେଶ ଗୋଛି ଯୋଗଦେଇ ଦିଲ୍ଲୀପ ବେହେରାଙ୍କୁ ମ୍ୟାନ ଅଫ ମ୍ୟାଚ ପୁରସ୍କାର ଦେଇଥିଲେ । ଖେଳକୁ ପରିଚାଳନା କରିଥିଲେ ଆଲୋକ ପୃଷ୍ଟି ଓ ବାବୁ ମହାନ୍ତି । ଖେଳର ଧାରା ବିବରଣୀ ପ୍ରଦାନ କରିଥିଲେ କୈଳାସ ପ୍ରଧାନ । ଗୁରୁବାର ଦିନ ଶେଷ ଲିଗ ମ୍ୟାଚ ବୋଦସା କ୍ରିକେଟ ଟିମ ସହିତ ବାଣପୁର କ୍ରିକେଟ ଟିମ ମଧ୍ୟରେ ଅନୁଷ୍ଠିତ ହେବ ।
