ନୟାଗଡ ( ଆୱାଜ ମିଡ଼ିଆ ) – କିଶୋର ମହାପାତ୍ର : ନିର୍ବାଚନ ସମୟ ଯେତିକି ପାଖେଇ ଆସୁଛି ନୟାଗଡ଼ ରେ ରାଜନୀତି ସେତିକି ରୋମାଞ୍ଚକ ହେବାରେ ଲାଗିଛି । କିଏ ବିଜେପି ଛାଡି ବିଜେଡିରେ , ତ କିଏ ବିଜେଡି ଛାଡି ବିଜେପିରେ । କେଉଁ ଦଳ ପାୱାର ଦେଖାଇ ତ କିଏ ସ୍ନେହ ଶ୍ରଦ୍ଧା ଦେଖାଇ ନିଜ ଆଡକୁ ଆକର୍ଷିତ କରୁଛି । ନୟାଗଡ଼ ବିଜେପି ବିଧାୟକ ପ୍ରାର୍ଥୀନୀ ଶ୍ରୀମତୀ ଇରାନୀ ରାୟଙ୍କ ନେତୃତ୍ବ କୁ ସମର୍ଥନ କରି ନାଟୁଗାଁ ପଞ୍ଚାୟତର ଶତାଧିକ ଆଗଧାଡିର ନେତା ଓ କର୍ମୀ ବିଜେପି ରେ ସାମିଲ ହୋଇଛନ୍ତି । ପଞ୍ଚାୟତ ରେ ବିଜେପି ର ଏହି ମିଶ୍ରଣ ପର୍ବକୁ ନେଇ ନୟାଗଡ଼ ରାଜନୈତିକ ମହଲରେ ଜୋର ଧରିଛି ଚର୍ଚ୍ଚା । ନିକଟ ଅତୀତରେ ନୟାଗଡ଼ ମ୍ୟୁନିସିପାଲଟି ର କିଛି କର୍ମୀ ବିଜେପି ଛାଡି ବିଜେଡିରେ ଯୋଗ ଦେଇଥିବା ବେଳେ ଆଜି ବହୁ ସଂଖ୍ୟକ କର୍ମୀ ଓ ନେତା ବିଜେପି ରେ ଯୋଗଦେବା ନିଶ୍ଚିତ ନୟାଗଡ଼ ବିଜେପି କୁ ସୁଦୃଢ କରିବ ବୋଲି ରାଜନୈତିକ ବିଶାରଦ ମାନେ ଆଲୋଚନା କରୁଛନ୍ତି ।
