ବାଙ୍କୀ ( ଆୱାଜ ମିଡ଼ିଆ ) – ଅନନ୍ତ ରଣା : ବାଙ୍କୀ ଅଧିସୂଚିତ କ୍ଷେତ୍ର ପରିଷଦରେ ଜନମତ ହାତେଇଛି ବିଜେଡି . ଏନଏସି ର ଅଧ୍ୟକ୍ଷା ପଦଵୀ ସହିତ ମୋଟ ୧୧ ଟି ୱାର୍ଡରେ କାଉନସିଲର ପ୍ରାର୍ଥୀ ଙ୍କୁ ଜିତାଇବାରେ ସଫଳ ହୋଇଛି ଶାସକ ଦଳ . ଏନଏସି ଅଧ୍ୟକ୍ଷା ପାଇଁ ଲଢ଼ୁଥିବା ବିଜେଡି ପ୍ରାର୍ଥୀନୀ ମାଣିକ ସାହୁ ଏବଂ କଂଗ୍ରେସ ପ୍ରାର୍ଥୀନୀ ସୁଷମା ମହାପାତ୍ରଙ୍କ ମଧ୍ୟରେ ହୋଇଥିଲା ଜୋରଦାର ମୁକାବିଲା . ବାଙ୍କୀ ର ମୋଟ ୧୭ ଟି ୱାର୍ଡ ରେ ବିଜେଡି ପ୍ରାର୍ଥୀନୀ ମୋଟ ୫୩୩୯ ଖଣ୍ଡ ଭୋଟ ପାଇଥିବା ସମୟରେ କଂଗ୍ରେସ ପ୍ରାର୍ଥୀନୀ ୪୬୫୦ ଖଣ୍ଡ ଭୋଟ ପାଇଥିଲେ . ବାଙ୍କୀ ଏନଏସି ର 1, 5, 6, 7, 13 ଏବଂ 17 ନମ୍ବର ୱାର୍ଡରେ କଂଗ୍ରେସ ପ୍ରାର୍ଥୀ ଜିତିଥିବା ସମୟରେ ଅନ୍ୟ ସମସ୍ତ ୱାର୍ଡକୁ ହାତେଇ ନେଇଛି ବିଜୁ ଜନତା ଦଳ . ତେବେ ସବୁଠାରୁ ଆଶ୍ଚର୍ଯ୍ୟର କଥା ହେଲା ଭାରତୀୟ ଜନତା ପାର୍ଟି ନିଜର ଖାତା ମଧ୍ୟ ଖୋଲି ପାରିନି . ଗତ ତ୍ରିସ୍ତରୀୟ ପଞ୍ଚାୟତ ନିର୍ବାଚନରେ ମଧ୍ୟ ଶାସକ ଦଳର ପ୍ରାର୍ଥୀ ମାନେ ଭଲ ପ୍ରଦର୍ଶନ କରିବା ସହିତ ବାରଙ୍ଗ ଜୋନ ବ୍ୟତୀତ ବାଙ୍କୀ ର ଅନ୍ୟ ୫ ଗୋଟି ଜିଲ୍ଲା ପରିଷଦ ଆସନ ସହିତ ୨ ଟି ଯାକ ବ୍ଲକ ର ଅଧ୍ୟକ୍ଷ ପଦ ହାତେଇ ନେଇଥିଲେ .
