କଟକ ସଦର ( ଆୱାଜ ମିଡ଼ିଆ ) – ଶ୍ରୀକାନ୍ତ ବେଉରା : କାର୍ଯ୍ୟରତ ସାମ୍ବାଦିକ ଲୋକନାଥ ଦଳାଇଙ୍କୁ ନୀଳଗିରି ପୁଲିସ ମାଡ଼ମାରି ଗୁରୁତର ଆହତ କରିବା ଏବଂ ମେଡିକାଲରେ ଚିକିତ୍ସଧୀନ ସମୟରେ ତାଙ୍କ ଗୋଡରେ ବେଡି ପକାଇବା ଘଟଣାକୁ କିଶନନଗର ଓ କନ୍ଦରପୁର ସାମ୍ବାଦିକ ସଂଘ ପକ୍ଷରୁ ବିରୋଧ କରାଯିବା ସହିତ ସଂପୃକ୍ତ ପୁଲିସ ଅଧିକାରୀ ଦ୍ରୌପଦୀ ଦାସଙ୍କୁ କାର୍ଯ୍ୟରୁ ନିଲମ୍ବିତ କରି ଫୌଜିଦାରୀ ମାମଲା ରୁଜ୍ଜୁ କରିବା ଓ ତାଙ୍କୁ ତୁରନ୍ତ ଗିରଫ କରିବା ନେଇ ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟ ରେ କିଶନନଗର ତହସିଲଦାର ସୁଶ୍ରୀ ଇନ୍ଦରା ସାହୁ ଙ୍କୁ ଏକ ଦାବିପତ୍ର ପ୍ରଦାନ କରାଯାଇଛି । ସଂଘର ସଭାପତି ସର୍ବେଶ୍ଵର ମିଶ୍ର, ସଂପାଦକ ତାପସ ରାଉତରାୟ, ବରିଷ୍ଠ ସାମ୍ବାଦିକ ସୟଦ ସାଜିଦ୍ ଅଲ୍ଲି,ସାମ୍ବାଦିକ ସୁକାନ୍ତ ବେଉରା, ସୂର୍ଯ୍ୟ ନାରାୟଣ ଦାସ, ବିଭୁ ପ୍ରସାଦ ସ୍ୱାଇଁ , ଭୈରବ ସେଠୀ, ସୁକାନ୍ତ ଜେନା, ରତିକାନ୍ତ ପଟ୍ଟନାୟକ, ଯୁବ ସାମ୍ବାଦିକ ସରୋଜ ମଲିକ, ବରିଷ୍ଠ ସାମ୍ବାଦିକ ଶରତ ଚନ୍ଦ୍ର ଜେନା, ଚିତ୍ତ ବେହେରା, ସାମ୍ବାଦିକ ଚକ୍ରବର୍ତ୍ତୀ ଓତା, ଉଦୟନାଥ କୁଣ୍ଡୁ ପ୍ରମୁଖ ଉପସ୍ଥିତ ଥିଲେ ।