ଗଜପତି ( ଆୱାଜ ମିଡ଼ିଆ ) – ବିବେକାନନ୍ଦ ବେହେରା : ଗଜପତି ଜିଲ୍ଲା ସଦର ମହକୁମା ପାରଳାଖେମୁଣ୍ଡି ଆଦର୍ଶ ଥାନା ପକ୍ଷରୁ ଖୋଲା ଯାଇଛି ଜଳଛତ୍ର । ଏହି ଜଳଛତ୍ରକୁ ଗଜପତି ଜିଲ୍ଲା ଅତିରିକ୍ତ ଜିଲ୍ଲାପାଳ ସଂଗ୍ରାମ ଶେଖର ପଣ୍ଡା ଫିତା କାଟି ଶୁଭ ଉଦଘାଟନ କରିଛନ୍ତି । ଏହି କାର୍ଯ୍ୟକ୍ରମରେ ଗଜପତି ଆରକ୍ଷୀ ଅଧୀକ୍ଷକ ଜୟରାମ ଶତପଥୀ ଙ୍କ ସହ ଏସଡିପିଓ ରାମକୃଷ୍ଣ ପତି, ଆଦର୍ଶ ଥାନା ଅଧିକାରୀ ବିବେକାନନ୍ଦ ସ୍ୱାଇଁ ପ୍ରମୁଖ ଉପସ୍ଥିତ ରହି ଜନସାଧାରଣଙ୍କୁ ଘୋଳ ଦହି ବଣ୍ଟନ କରିଥିଲେ ।
ଗ୍ରୀଷ୍ମ ପ୍ରବାହ କୁ ଆଖି ଆଗରେ ରଖି ଏହି କାର୍ଯ୍ୟକ୍ରମ ଅନୁଷ୍ଠିତ ହୋଇଛି । ଗଜପତି ଏସପି ଙ୍କ ନିର୍ଦ୍ଦେଶ କ୍ରମେ ଜିଲ୍ଲାର ସମସ୍ତ ଥାନାରେ ଗ୍ରୀଷ୍ମ ପ୍ରବାହକୁ ଆଖି ଆଗରେ ରଖି ଜଳଛତ୍ର ଖୋଲା ଯାଇଛି । ଜନସାଧାରଣ କିଛି କାମ ନଥିଲେ ବାହାରେ ନ ବୁଲିବା ଓ ଯଦି କାମ ଅଛି ଛତା ଜୋତା ବ୍ୟବହାର କରି ଘରୁ ବାହାରି ବାକୁ ପରାମର୍ଶ ଦିଆଯାଇଛି ଏବଂ ଜନସାଧାରଣଙ୍କୁ ସଚେତନ କରାଯାଉଛି । ପୋଲିସ ର ଏହି ଭଳି ସଚେତନତା କାର୍ଯ୍ୟକ୍ରମ ଓ ଜଳଛତ୍ର ଖୋଲି ଲୋକଙ୍କୁ ଜଳ ପ୍ରଦାନ କୁ ଜିଲ୍ଲା ରେ ପ୍ରଶଂସା କରାଯାଇଛି ।
