କେନ୍ଦ୍ରାପଡା ( ଆୱାଜ ମିଡ଼ିଆ ) – ପ୍ରଫୁଲ୍ଲ କୁମାର ମଲ୍ଲ : କେନ୍ଦ୍ରାପଡାରେ ପୁଣି ଗର୍ଜିଲା ବନ୍ଧୁକ । ମହାକାଳପଡ଼ା ବଜାରରେ ଥିବା ପେଟ୍ରୋଲ ପମ୍ପ ନିକଟରେ ଗୁଳିକାଣ୍ଡ । ଦୁଇଟି ବୁଲେଟରେ ଆସିଥିଲେ ଦୁର୍ବୁତ୍ତ । ସିଧାକଲେ ଗୁଳି ମାଡ । ଗୁଳି ମାଡରେ ବଜରଙ୍ଗ ଦଳର ମହାକାଳପଡା ପ୍ରଖଣ୍ଡ ସହ ସଂଯୋଜକ ଲକ୍ଷ୍ମଣ ମଳିକ ଗୁରୁତର । ଲକ୍ଷ୍ମଣ ଙ୍କ ଗୋଡରେ ଗୁଳି ବାଜି ଥିବାରୁ ପ୍ରଥମେ ତାଙ୍କୁ କେନ୍ଦ୍ରାପଡା ଜିଲ୍ଲା ଚିକିତ୍ସାଳୟ କୁ ଅଣାଯାଇଥିଲା । ପରେ କଟକ ବଡ଼ ମେଡିକାଲକୁ ସ୍ଥାନାନ୍ତରିତ କରାଯାଇଛି । ଅପରପଟେ ଗୁଳିମାଡ ରେ ଆହତ ହୋଇଥିବା ଯୁବକ ଲକ୍ଷ୍ମଣ ମଳିକ ଙ୍କ ଘର ନେମ୍ବରା ଗ୍ରାମରେ ହୋଇଥିବା ବେଳେ ଗୁଳିକାଣ୍ଡର କାରଣ ବେଆଇନ ଗୋ ଚାଲାଣ କୁ ନେଇ ଘଟିଥିବା ସୂଚନା ମିଳିଛି ।
