ଅନୁଗୁଳ ( ଆୱାଜ ମିଡ଼ିଆ ) – ଟଙ୍କଧର ଗଡ଼ନାୟକ : ଅନୁଗୁଳ ଅଗ୍ନିଶମ ବିଭାଗ ପକ୍ଷରୁ ସହରର ବିଭିନ୍ନ ପେଟ୍ରୋଲ ପମ୍ପ ଓ ଗ୍ୟାସ ଗୋଦାମରେ ଅତର୍କିତ ଚଢ଼ାଉ କରାଯାଇ ସୁରକ୍ଷା ବ୍ୟବସ୍ଥା ଯାଞ୍ଚ କରାଯାଇଛି । ଜିଲ୍ଲା ଅଗ୍ନିଶମ ଅଧିକାରୀ ପ୍ରଶାନ୍ତ କୁମାର ଧଳଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ଏହି ଯାଞ୍ଚ କରାଯାଇଥିଲା । ଗ୍ୟାସ ଫିଲିଂ ଷ୍ଟେସନ ଓ ପେଟ୍ରୋଲ ପମ୍ପରେ ସୁରକ୍ଷା ପାଇଁ କି କି ବ୍ୟବସ୍ଥା କରାଯାଇଛି, ତାହାର ଯାଞ୍ଚ କରାଯାଇଥିଲା । ଅନୁଗୁଳ କରଡ଼ାଗାଡ଼ିଆର ମା ବୁଢ଼ୀ ଇଣ୍ଡେନ ଗ୍ୟାସ, ସରଧାପୁରର ଶ୍ରଦ୍ଧା କିଶାନ ସେବା କେନ୍ଦ୍ର, ତୁଳସୀୟାନ ସର୍ଭିସ ସେଣ୍ଟର, ମିରାନିଆ ଫିଲିଂ ଷ୍ଟେସନ, ହିନ୍ଦୁସ୍ତାନ ପେଟ୍ରୋଲିୟମ ପ୍ରମୁଖ ୫ ଟି ସ୍ଥାନରେ ଅଗ୍ନିଶମ ବିଭାଗ ପକ୍ଷରୁ ଯାଞ୍ଚ କରାଯାଇଥିଲା । ସେଠି ମଧ୍ୟରୁ ମା ବୁଢ଼ୀ ଇଣ୍ଡେନ ଗ୍ୟାସରେ ନିଆଁ ଲିଭା ସରଞ୍ଜାମ ନ ଥିଲା । ଏଣୁ ତାଙ୍କୁ ନୋଟିସ କରାଯାଇଥିବା ଅଗ୍ନିଶମ ବିଭାଗ ପକ୍ଷରୁ ସୂଚନା ମିଳିଛି ।
