କଳାପଥର ( ଆୱାଜ ମିଡ଼ିଆ ) – ପ୍ରଶାନ୍ତ କର : କଳାପଥର ଗ୍ରାମର ଶ୍ରୀ ଶ୍ରୀ ରଘୁନନ୍ଦନ ନାଟ୍ୟ ସଂସଦ ଦ୍ୱାରା ଆରମ୍ଭ ହୋଇଛି ରାମ ନାଟକ ମଞ୍ଚସ୍ଥ କାର୍ଯ୍ୟକ୍ରମ . କରୋନା ମହାମାରୀ ଏବଂ କଟକଣା କାରଣରୁ କାର୍ଯ୍ୟକ୍ରମ ଦୁଇ ବର୍ଷ ବନ୍ଦ ରହିଥିଲା . ତେବେ ଚଳିତ ବର୍ଷ ମର୍ଯ୍ୟାଦା ପୁରୁଷ ପ୍ରଭୁ ଦଶରଥ ନନ୍ଦନ ଶ୍ରୀରାମଚନ୍ଦ୍ର ଙ୍କ ରାମଲୀଳା ଅଧିବାସକୁ ରବିବାର ରାତ୍ର ୧୨ ଘଟିକା ସମୟରେ ୟଥାବିଧି ନିୟମ ଅନୁଯାୟୀ ହୋମକାର୍ଯ୍ୟ କରାଯାଇ ଆରମ୍ଭ କରାଯାଇଛି . ଅନୁଷ୍ଠାନର ସମସ୍ତ ରାମ ଉପାସକ ମାନଙ୍କୁ ବ୍ରତ ଦେବା ସହ ପ୍ରଥମ ରଜନୀରେ ଜଗତ ଜନନୀ ମାତା ସୀତା ଓ ମର୍ଯ୍ୟାଦା ପୁରୁଷୋତ୍ତମ ପ୍ରଭୁ ଶ୍ରୀ ରାମଚନ୍ଦ୍ରଙ୍କ ଜନ୍ମ ଅନୁଷ୍ଠିତ ହୋଇଥିବା ବେଳେ ଦ୍ଵିତୀୟ ରଜନୀରେ ସୁବାହୁ ମାରିଚ ବଦ୍ଧ , ତାଡକା ବଦ୍ଧ, ସୀତା ସ୍ଵୟମ୍ବର ସହ ଶିବଧନୁ ଭଗ୍ନ କାର୍ଯ୍ୟକ୍ରମ ଅନୁଷ୍ଠିତ ହୋଇ ଯାଇଛି । ଆସନ୍ତା କାଲି ଦଶରଥ ନନ୍ଦନ ପ୍ରଭୁ ଶ୍ରୀରାମଙ୍କ ସୀତା ବିବାହ ଉତ୍ସବ ସହ ପର୍ଶୁରାମ ଭେଟ ଅନୁଷ୍ଠିତ ହେବ ।
