ଅନୁଗୁଳ ( ଆୱାଜ ମିଡ଼ିଆ ) – ଟଙ୍କଧର ଗଡ଼ନାୟକ : ଅନୁଗୁଳ ଜିଲ୍ଲା ବଅଁରପାଳ ଥାନା ଅନ୍ତର୍ଗତ ବୁଢ଼ାପଙ୍କ ତେନ୍ତୁଳିହତା ସାହିର କଲ୍ୟାଣ ନାଏକ ତାଙ୍କ ସ୍ତ୍ରୀ କୁ ଟାଙ୍ଗିଆରେ ଆକ୍ରମଣ କରିଛନ୍ତି । ସୂଚନା ଯେ, ପାରିବାରିକ କଳହରୁ ଗୁରୁବାର ସକାଳେ କଲ୍ୟାଣ ଏକ ଟାଙ୍ଗିଆରେ ତାଙ୍କ ସ୍ତ୍ରୀ ମିଲି ନାଏକ (୩୨) କୁ ଆକ୍ରମଣ କରିଛନ୍ତି । ଫଳରେ ମିଲି ଙ୍କ ମୁଣ୍ଡ ଓ ଅଣ୍ଟାରେ ଆଘାତ ଲାଗିଛି । ସାହି ଲୋକମାନେ ଗୁରୁତର ଅବସ୍ଥାରେ ମିଲି ଙ୍କୁ ବଅଁରପାଳର ଏକ ଘରୋଇ ନର୍ସିଂହୋମରେ ଭର୍ତ୍ତି କରିଛନ୍ତି । ଖବର ପାଇ ମିଲିଙ୍କ ଭାଇ ଓ ପରିବାର ଲୋକ ପହଞ୍ଚିଛନ୍ତି । ଏ ନେଇ ମିଲିଙ୍କ ଭାଇ ଖୁଜାରୁ ନାଏକ ବଅଁରପାଳ ଥାନାରେ ଲିଖିତ ଅଭିଯୋଗ କରିଛନ୍ତି । ଅଭିଯୋଗ ପାଇ ପୁଲିସ ଥାନା କେସ ନଂ ୧୫୮/୨୨ରେ ଦଫା ୩୨୩, ୩୨୫, ୩୦୭, ୫୦୬ ଓ ୪୯୮(ଏ) ରେ ମାମଲା ରୁଜୁକରି ଘଟଣାର ତଦନ୍ତ କରୁଛି ।
