କଟକ ସଦର ( ଆୱାଜ ମିଡ଼ିଆ ) – ଶ୍ରୀକାନ୍ତ ବେଉରା : ରାଜ୍ୟରେ ବିଷ୍ଣପ୍ରିୟା ଚାରିଟେବୁଲ ଟ୍ରଷ୍ଟ ଓଡ଼ିଶା ନାମକ ଅଗ୍ରଣୀ ସ୍ୱେଚ୍ଛାସେବୀ ସଙ୍ଗଠନ ଦୀର୍ଘଦିନ ହେଲା ଗରୀବ, ଅସହାୟ ଲୋକଙ୍କୁ ବିଭିନ୍ନ ପ୍ରକାର ସାହାଯ୍ୟ କରିବା ସହ ରକ୍ତର ଆବଶ୍ୟକତା ଥିବା ବିଭିନ୍ନ ରୋଗୀଙ୍କ ପାଇଁ ରକ୍ତ ଯୋଗାଇ ଆସୁଛି । ଯାହା ଫଳରେ ବହୁ ରୋଗୀ ମୃତ୍ୟୁ ମୁଖରୁ ଉଦ୍ଧାର ହେଉଛନ୍ତି । ଏହି ସଙ୍ଗଠନର ସଦସ୍ୟ ମାନେ ମୁଖ୍ୟ କାର୍ଯ୍ୟାଳୟ ବରୀ ଯାଜପୁର ବ୍ୟତୀତ ରାଜ୍ୟର ବହୁ ଜିଲ୍ଲାରେ ଥିବା ରୋଗୀଙ୍କୁ ମଧ୍ୟ ସେଠାକାର ରକ୍ତଦାତାଙ୍କ ସହ ଯୋଗାଯୋଗ କରି କିଛି ସମୟ ମଧ୍ୟରେ ରକ୍ତ ଯୋଗାଡ଼ କରି ଦେଉଛନ୍ତି । ହେଲେ ବିସିଟି କଟକ ଶାଖା ସଦସ୍ୟ ଯୁବ ସମାଜସେବୀ ଉଦୟ ରଞ୍ଜନ ଦାସ ସଙ୍ଗଠନର ଜଣେ ଆଗ ଧାଡ଼ିର ସଦସ୍ୟ । ଆଜି ତାଙ୍କର ଚତୁର୍ଥ ବିବାହ ବାର୍ଷିକ ଉତ୍ସବ ଅବସରରେ ବହୁବିଧ ସେବା କାର୍ଯ୍ୟ ସହ ରକ୍ତଦାନ କରି ନିଜର ବିବାହ ବାର୍ଷିକ ପାଳନ କରିଛନ୍ତି । ଏହି କାର୍ଯ୍ୟକ୍ରମରେ ସଙ୍ଗଠନର ଅନ୍ୟ ସଦସ୍ୟ ଓ ବନ୍ଧୁ ମାନେ ଉପସ୍ଥିତ ରହି ତାଙ୍କର ଦୀର୍ଘ ଓ ସୁସ୍ଥ ଜୀବନ କାମନା କରିଥିଲେ । ସୂଚନା ଥାଉକି ସମାଜସେବୀ ଉଦୟ ରଞ୍ଜନ ଉଲ୍ଲେଖନୀୟ କୃତିତ୍ୱ ନେଇ ବହୁ ସଂଗଠନ ଦ୍ଵାରା ସମ୍ବର୍ଦ୍ଧିତ ହୋଇ ଯୁବ ସମାଜ ପାଇଁ ପ୍ରେରଣା ସୃଷ୍ଟି କରିଛନ୍ତି ।
