ଗଜପତି ( ଆୱାଜ ମିଡ଼ିଆ ) – ବିବେକାନନ୍ଦ ବେହେରା : ଗଜପତି ଜିଲ୍ଲା ସଦର ମହକୁମା ପାରଳାଖେମୁଣ୍ଡି ସ୍ଥିତ ସ୍ଥାନୀୟ ୟୁ ଟେକ କମ୍ପ୍ୟୁଟର ଏଜୁକେସନ ପରିସରରେ ରଜ ଉତ୍ସବ ଅନୁଷ୍ଠିତ ହୋଇ ଯାଇଛି । ସଭ୍ୟତା ଯେତେ ପ୍ରଗତି ପଥରେ ଅଗ୍ରସର ହେଲେ ମଧ୍ୟ ଆମ ପ୍ରାଚୀନ ସଂସ୍କୃତି ଓ ପରମ୍ପରାକୁ ସମ୍ମାନ ଦେବା ଆମର ନୈତିକ କର୍ତ୍ତବ୍ୟ ବୋଲି ବକ୍ତା ମାନେ କହିଥିଲେ । ମୁଖ୍ୟ ଅତିଥି ଭାବେ ପଣ୍ଡିତ ନରସିଂହ ଗୌଡ଼, ମୁଖ୍ୟ ବକ୍ତା ସସ୍ମିତା ମହାପାତ୍ର, ସମ୍ମାନୀତ ବକ୍ତା ବିନୋଦ ଚନ୍ଦ୍ର ଜେନା, ଅନ୍ୟତମ ସ୍ୱତନ୍ତ୍ର ଅତିଥି ୟୁ ଟେକ କମ୍ପ୍ୟୁଟର ଏଜୁକେସନ ମୁଖ୍ୟ ଲୋକନାଥ ମିଶ୍ର ଯୋଗ ଦେଇଥିଲେ । ସମ୍ପାଦିକା ତନୁଜା ଶତପଥୀ ବିବରଣୀ ପାଠ କରିଥିଲେ । ସଭାନେତ୍ରୀ କଳ୍ପନା ପଟ୍ଟନାୟକ ଉପସ୍ଥିତ ଥିବା ବେଳେ ସମସ୍ତ କାର୍ଯ୍ୟକ୍ରମ କୁ ଅନୁଷ୍ଠାନର ଉପଦେଷ୍ଟା ତଥା ସାହିତ୍ୟ ଏକାଡେମୀ ସଦସ୍ୟ ବିଚିତ୍ରାନନ୍ଦ ବେବର୍ତ୍ତା ସଂଯୋଜନା କରିଥିଲେ । ଏହି ଅବସରରେ ଓଡ଼ିଆ ତର୍କ ଆରିସା, କାକରା ପ୍ରସ୍ତୁତି ପୁଚି, ହୁଳହୁଳି ପ୍ରତିଯୋଗିତା କରାଯାଇ ଆକର୍ଷଣୀୟ ପୁରସ୍କାର ବଣ୍ଟନ କରାଯାଇଥିଲା ।
