କଟକ ( ଆୱାଜ ମିଡ଼ିଆ ) – ଅମ୍ରିତା ପଟ୍ଟନାୟକ : ୭୬ ତମ ସ୍ବାଧୀନତା ଦିବସ ଉପଲକ୍ଷେ “୫୨ ବଜାର ୫୩ ଗଳି କଟକ ଚାରିଟେବୁଲ ଟ୍ରଷ୍ଟ” ତରଫରୁ ଚାଉଳିଆଗଞ୍ଜ ସ୍ଥିତ ଗାନ୍ଧୀ ଛକ ଠାରେ ସ୍ବାଧୀନତା ଦିବସ ପାଳନ କରାଯାଇଥିଲା । ଟ୍ରଷ୍ଟ ତରଫରୁ ୪ ଟି ବିଦ୍ଯାଳୟ ନୂଆବଜାର ହାଇସ୍କୁଲ , କୁଞ୍ଜ ବିହାରୀ ଜୀଉ ହାଇସ୍କୁଲ , ଚାଉଳିଆଗଞ୍ଜ ଉଚ୍ଚ ବାଳିକା ବିଦ୍ଯାଳୟ , ଉତ୍କଳ ମଣି ଗୋପବନ୍ଧୁ ଶିଶୁ ଉଚ୍ଚ ଶିକ୍ଷା ମନ୍ଦିର କୁ ବିଦ୍ଯାରତ୍ନ ସମ୍ମାନ ରେ ସମ୍ମାନୀତ କରାଯାଇଛି । ଏହି ସ୍କୁଲ ର ପିଲାମାନଙ୍କ ଦ୍ବାରା ସଂଗୀତ ଗାନ ସହିତ ଛାତ୍ରଛାତ୍ରୀ ମାନେ ବକ୍ତବ୍ଯ ମଧ୍ଯ ଦେଇଥିଲେ । ସ୍କୁଲ ର ସମସ୍ତ ଛାତ୍ର ଛାତୀ ମାନଙ୍କୁ ବିସ୍କୁଟ୍ ଚକୋଲେଟ୍ ପ୍ରଦାନ କରାଯିବା ସହ ଆଗାମୀ ଦିନରେ ଉଜ୍ଜଳ ଭବିଷ୍ଯତ ଗଠନ କରିବା ପାଇଁ ପ୍ରେରଣା ଦିଆଯାଇଥିଲା । ଆୟୋଜିତ କାର୍ଯ୍ୟକ୍ରମରେ ମୁଖ୍ଯ ଅତିଥି ରୂପେ ସମାଜ ସେବୀ ଲିପିକା ରାୟ ଏବଂ ସମ୍ମାନୀତ ଅତିଥି ଭାବେ ୪୨ ନଂ ଓ୍ଵାର୍ଡର କର୍ପୋରେଟର ମିନା ସାହୁ , ସମାଜସେବୀ ବିଶ୍ବରଞ୍ଜନ ଜେଠୀ, ସୁକାନ୍ତ ସାହାଣୀ, ସୁଧାଂଶୁ ପାତ୍ର, ଶିବୁ ପଟ୍ଟନାୟକ, ସ୍ୱରାଜ କେଶରୀ, ଶିଶିର ସାହୁ, ରାଜୁ ମହାରଣା ଯୋଗଦେବା ସହ ଟ୍ରଷ୍ଟ ର ପ୍ରତିଷ୍ଠାତା ତଥା ସଭାପତି ପ୍ରଦୀପ କୁମାର ସାହୁ ଙ୍କ ନେତୃତ୍ବ ରେ ସମସ୍ତ ସଦସ୍ଯ ମାନଙ୍କ ସହଯୋଗରେ କାର୍ଯ୍ୟକ୍ରମ ଆୟୋଜନ କରାଯାଇଥିଲା ।
