କଟକ ( ଆୱାଜ ମିଡ଼ିଆ ) – ଅମ୍ରିତା ପଟ୍ଟନାୟକ : ଟ୍ରାଫିକ ପୋଷ୍ଟ ଅଛି, ସିଗ୍ନାଲ ଲାଇଟ ଅଛି ଓ ସିସି ଟିଭି କ୍ୟାମେରା ଅଛି , କିନ୍ତୁ ସବୁ ଅକର୍ମଣ୍ୟ ଅବସ୍ଥାରେ ପଡ଼ିରହିଛି । ଏହିଭଳି ଦୃଶ୍ୟ ଦେଖିବାକୁ ମିଳିଛି କଟକ ସିଡିଏ ଅଞ୍ଚଳରେ । ସିଡିଏ ସେକ୍ଟର -୧୦ ଜଷ୍ଟିସ ଛକରେ ଟ୍ରାଫିକ ପୋଷ୍ଟ ଅଛି ହେଲେ ସିଗ୍ନାଲ ଲାଇଟ ଉପରେ ଗଛ ଲତାର ଆବରଣ ତଥା ଟ୍ରାଫିକ ପୋଷ୍ଟଟି ଅକର୍ମଣ୍ୟ ହୋଇ ପଡ଼ିଛି । ମଣ୍ଟେଶ୍ୱରୀ ସ୍କୁଲ ଗଡା , ନୁଆ ରୋଡ଼ ଠାରେ ଟ୍ରାଫିକ ପୋଷ୍ଟ ଅଛି ଓ ସିସି ଟିଭି କ୍ୟାମେରା ଅଛି, କିନ୍ତୁ ଆଜି ପର୍ଯ୍ୟନ୍ତ କାର୍ଯ୍ୟକାରୀ ହୋଇ ପାରିନାହିଁ । ବହୁ ଜଷ୍ଟିସ, ନେତା, ପ୍ରତିଷ୍ଠିତ ଶିଳ୍ପପତି ଓ ସରକାରୀ ବାବୁ ମାନେ ରହୁଥିବା ସିଡିଏ ଭଳି ଅଞ୍ଚଳରେ ଟ୍ରାଫିକ ପୋଲିସ ଓ କମିଶନରେଟ ପୁଲିସଙ୍କ ଏଭଳି ଅବହେଳା ଓ ଅଣଦେଖା କରିବା ଆଦୌ ଗ୍ରହଣୀୟ ନୁହେଁ ବୋଲି ସଚେତନ ମହଲରେ ମତ ପ୍ରକାଶ ପାଇଛି ।
