କେନ୍ଦ୍ରାପଡା ( ଆୱାଜ ମିଡ଼ିଆ ) – ପ୍ରଫୁଲ୍ଲ କୁମାର ମଲ୍ଲ : ନାବାଳିକା ଅପହରଣକାରୀ ଦୁଇ ଅଭିଯୁକ୍ତ ଗିରଫ । କେନ୍ଦ୍ରାପଡା ଜିଲ୍ଲା ଡେରାବିଶ ପୋଲିସ କୁ ପୁଣି ମିଳିଲା ସଫଳତା । ନାବାଳିକା ଅପହରଣ ମାମଲା ରେ ଦୁଇ ଅଭିଯୁକ୍ତଙ୍କୁ ଗିରଫ କରିବା ସହ ନାବାଳିକା କୁ ଉଦ୍ଧାର କରିଛି ଡେରାବିଶ ପୋଲିସ l କେନ୍ଦ୍ରାପଡ଼ା ଜିଲ୍ଲା ଡେରାବିଶ ବ୍ଲକ କୁରୁଜଙ୍ଗା ପଞ୍ଚାୟତ ଅଞ୍ଚଳ ରୁ ଜଣେ ନାବାଳିକା ଗତ 6 ତାରିଖରୁ ନିଖୋଜ ଥିବା ନେଇ ଡେରାବିଶ ଥାନାରେ ଅଭିଯୋଗ କରିଥିଲେ ପରିବାର ଲୋକେ l ଅଭିଯୋଗ ପରେ ତଦନ୍ତ ଆରମ୍ଭ କରିଥିଲା ଡେରାବିଶ ପୋଲିସ l ଗତ ଶନିବାର ବିଳମ୍ବିତ ରାତିରେ ପାଟକୁରା ଥାନା ଅଧୀନସ୍ଥ କିଣିଲୋ ଅଞ୍ଚଳ ଏବଂ ମାର୍ଶାଘାଇ ଅଧିନସ୍ଥ ଅମୀୟ ପାଳ ଏବଂ ମହାକାଳପଡା ଅଞ୍ଚଳର ଛପାଲି ଅଞ୍ଚଳ ରୁ ଦୁଇଜଣ ଅପହରଣକାରୀଙ୍କୁ ଗିରଫ କରିବା ସହ ନାବାଳିକା କୁ ଉଦ୍ଧାର କରିଛି ଡେରାବିଶ ପୋଲିସ l ଅପରପଟେ ନାବାଳିକା କୁ ଡାକ୍ତର ମାଇନା ପାଇଁ ପଠାଯିବା ପରେ ଆସାମୀ ଓ ସହଯୋଗୀ ଦୁଇ ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯାଇଥିବା ସୂଚନାରୁ ଜଣାପଡିଛି ।
