କେନ୍ଦ୍ରାପଡା ( ଆୱାଜ ମିଡ଼ିଆ ) – ପ୍ରଫୁଲ୍ଲ କୁମାର ମଲ୍ଲ : କେନ୍ଦ୍ରାପଡା ସଦର ଥାନା ଅଧିନସ୍ଥ ଚାନ୍ଦୋଳ ଅଞ୍ଚଳ ରେ ଏବେ ଆଇନ ଶୃଙ୍ଖଳା ବିପର୍ଯ୍ୟସ୍ତ ହୋଇପଡିଛି । ଏକାଧିକ ଅପରାଧିକ ମାମଲା ବଢୁଥିଲେ ମଧ୍ୟ ଚାନ୍ଦୋଳ ଫାଣ୍ଡି ଅଧିକାରୀ ଙ୍କ କାର୍ଯ୍ୟାନୁଷ୍ଠାନ ଶୂନ । ଦୁଇ ଦିନ ତଳେ ଚାନ୍ଦୋଳ ବଜାରର ଏକ ହୋଟେଲ ରୁ ହୋଟେଲ କର୍ମଚାରୀ ଙ୍କ ମୃତଦେହ ଉଦ୍ଧାର ପରେ ହତ୍ୟା ଅଭିଯୋଗ ହୋଇଥିଲେ ମଧ୍ୟ ଏପର୍ଯ୍ୟନ୍ତ କାହାକୁ ଗିରଫ କରିବାରେ ପୋଲିସ ସଫଳ ହୋଇନାହିଁ ! ଜମି ବାଡି ବିବାଦ କୁ ନେଇ ଏକ ପରିବାର ର ମହିଳାଙ୍କୁ ଗୋଡ଼ାଇ ଗୋଡ଼ାଇ ହାଣିଛନ୍ତି ଦୁର୍ବୁତ୍ତ । ଚାନ୍ଦୋଳ ଫାଣ୍ଡି ଅନ୍ତର୍ଗତ ଖରିଦା ସାହି ଗ୍ରାମର ଅଜୟ ଦାସ ଓ ଗୁରୁଚରଣ ମହାନ୍ତି ଙ୍କ ଭିତରେ ଏକ ଜମିକୁ ନେଇ ବିବାଦ ଲାଗି ରହିଥିବା ବେଳେ ଦୁଇ ଦିନ ତଳେ ଗୁରୁଚରଣ ମହାନ୍ତି ଓ ତାଙ୍କ ଭାଇ ଭଞ୍ଜନ ମହାନ୍ତି , ଅଜୟ ଙ୍କ ପରିବାର କୁ ଆକ୍ରମଣ କରି ସ୍ତ୍ରୀ ଶ୍ରାବଣୀ ଦାସ ଙ୍କୁ ବିଚ ରାସ୍ତା ଉପରେ ମlରଣାସ୍ତ୍ର ଯୋଗେ ଗୋଡ଼ାଇ ଗୋଡ଼ାଇ ହାଣିଥିଲେ । ଫଳରେ ଶ୍ରାବଣୀଙ୍କ ମୁଣ୍ଡ ଓ କାନ ରେ ଗଭୀର ଆଘାତ ଲାଗିଥିଲା ! ଶ୍ରାବଣି ଙ୍କ ଦୁଇ ଝିଅ ଙ୍କୁ ମଧ୍ୟ ମାଡ଼ ମାରିଥିଲେ ଆକ୍ରମଣକାରୀ । ଘଟଣା ପରେ ଅଜୟ ଓ ତାଙ୍କ ସ୍ତ୍ରୀ ଶ୍ରାବଣୀ ଓ ଝିଅ ଚାନ୍ଦୋଳ ଫାଣ୍ଡି ରେ ଅଭିଯୋଗ କରିଥିଲେ ମଧ୍ୟ ଫାଣ୍ଡି ଅଧିକାରୀ ତାଙ୍କ ଏତଲା ରଖିନଥିବା ବେଳେ ଅଭିଯୋଗକାରୀ ସଦର ଥାନାର ଦ୍ୱାରସ୍ଥ ହୋଇଥିଲେ । ସଦର ଥାନା ଅଭିଯୋଗକାରୀଙ୍କ ଅଭିଯୋଗକୁ ଭିତ୍ତିକରି ଆକ୍ରମଣ କାରୀଙ୍କ ବିରୁଦ୍ଧରେ 307 ଦଫା ସମେତ ବହୁ ଗୁରୁତ୍ୱପୂର୍ଣ ଦଫା ଲଗାଇ ଚାନ୍ଦୋଳ ଫାଣ୍ଡି କୁ ତଦନ୍ତ ନିର୍ଦେଶ ଦେଇଥିଲେ ! ତେବେ ଦୁଇ ଦିନ ବିତି ଯାଇଥିଲେ ବି ଚାନ୍ଦୋଳ ଫାଣ୍ଡି ଅଧିକାରୀ ଅଭିଯୁକ୍ତ ଙ୍କୁ ଗିରଫ କରିବାରେ ବିଫଳ ହେଇଛନ୍ତି । ଫଳରେ ନ୍ୟାୟ ପାଇଁ ଅଜୟ ଦାସ ଓ ତାଙ୍କ ପରିବାର କେନ୍ଦ୍ରାପଡ଼ା ଏସପି ଙ୍କ ଦ୍ୱାରସ୍ତ ହୋଇଛନ୍ତି ।
