କଳାପଥର ( ଆୱାଜ ମିଡ଼ିଆ ) – ଗଙ୍ଗାଧର ସାହୁ : ଅଜଣା ଗାଡି ଧକ୍କାରେ ବାଇକ୍ ଚାଳକ ଙ୍କ ମୃତ୍ୟୁ ! ବାଙ୍କୀ ବ୍ଲକ ଅନ୍ତର୍ଗତ କଳାପଥର ପଂଚାୟତ ପର୍ଶୁରାମପୁର ଗ୍ରାମର ଅଭୟ ସ୍ୱାଇଁ ନିଜ ମୋଟର ସାଇକେଲରେ ବ୍ରହ୍ମପୁରା ଦେଇ ବାଙ୍କୀ ଆସୁଥିବା ବେଳେ ଧୋୟା ନାଳ ପୋଲ ଉପରେ ଏକ ଦ୍ରୁତଗାମୀ ୪ ଚକିଆ ଯାନ ଧକ୍କା ଦେବା ଫଳରେ ଘଟଣାସ୍ଥଳରେ ତାଙ୍କର ମୃତ୍ୟୁ ଘଟିଛି । ମୃତ ଦେହକୁ ବାଙ୍କୀ ଉପଖଣ୍ଡ ଚିକିତ୍ସାଳୟକୁ ବ୍ୟବଚ୍ଛେଦ ପାଇଁ ଅଣାଯାଇଛି । ଦୁର୍ଘଟଣା ଘଟାଇ ଗାଡିଟି ଘଟଣାସ୍ଥଳରୁ ଫେରାର୍ ହୋଇ ଯାଇଥିବା ବେଳେ ପୋଲିସ୍ ଏହାର ଅନୁସନ୍ଧାନ ଜାରି ରଖିଛି । ମୃତ ଅଭୟଙ୍କର ଗୋଟିଏ ପୁଅ ଥିଲାବେଳେ ସେ ଜଣେ ଗରିବ ଶ୍ରେଣୀର ଲୋକ । ତାଙ୍କ ପରିବାରକୁ ତୁରନ୍ତ ସରକାରୀ ସାହାଯ୍ୟ ଯୋଗାଇ ଦେବା ପାଇଁ ସ୍ଥାନୀୟ ବାସିନ୍ଦା ଙ୍କ ତରଫରୁ ଦାବୀ ହେବା ସହ ଧକ୍କା କରିଥିବା ଗାଡି ଏବଂ ଚାଳକକୁ ଗିରଫ୍ କରିବା ପାଇଁ ଦାବି ହୋଇଛି । ଏ ସଂକ୍ରାନ୍ତରେ ବାଙ୍କୀ ଥାନାରେ ୮୯/୨୦୨୩ରେ ଏକ କେସ୍ ରୁଜୁ ହେବା ସହ ତଦନ୍ତ ଜାରି ରହିଛି ।
