ନୟାଗଡ ( ଆୱାଜ ମିଡ଼ିଆ ) – ବିଶ୍ବଭୂଷଣ ମହାପାତ୍ର : ଦିନକୁ ଦିନ ବିଶ୍ୱତାପନ ବୃଦ୍ଧି ପାଇବା ସହ ଗ୍ରୀଷ୍ମ ଦିନେ ଜଳାଶୟ ଶୁଷ୍କ ହେବାକୁ ଲାଗିଲାଣି ! ଏଭଳି ପରିସ୍ଥିତିରେ ପକ୍ଷୀମାନଙ୍କ ଜଳ ପାନ ପାଇଁ ବିଶେଷ ଅସୁବିଧାକୁ ଲକ୍ଷ କରି ଅନନ୍ୟା ଫାଉଣ୍ଡେସନ୍ ପକ୍ଷରୁ ଆଜି ପ୍ରତାପପ୍ରସାଦ ରୁ ଦର୍ପନାରାୟଣପୁର ମୁଖ୍ୟ ରାସ୍ତାର ଉଭୟ ପାର୍ଶ୍ବରେ ଜଳ ପାତ୍ରର ବ୍ୟବସ୍ଥା କରାଯାଇଛି । ଆଗକୁ ଏଭଳି କାର୍ଯ୍ୟକ୍ରମ ଜାରି ରହିବ ବୋଲି ସୂଚନା ମିଳିଛି । ଖୁବ୍ ଶୀଘ୍ର ଅନୁଷ୍ଠାନ ତରଫରୁ ପଶୁ ମାନଙ୍କ ପାଇଁ ସିମେଣ୍ଟ ଜଳକୁଣ୍ଡର ବ୍ୟବସ୍ଥା କରାଯିବ ବୋଲି ସୂଚନା ମିଳିଛି । ଏହି କାର୍ଯ୍ୟକ୍ରମ ଦ୍ଵାରା ପ୍ଲାଷ୍ଟିକ ବୋତଲ ପୁନଃ ବ୍ୟବହାର କରାଯାଉଛି । ଏଭଳି କାର୍ଯ୍ୟକ୍ରମ କୁ ବୁଦ୍ଧିଜୀବୀ ମହଲରେ ପ୍ରଶଂସା କରାଯାଇଛି ।
