ଭାପୁର ( ଆୱାଜ ମିଡ଼ିଆ ) – ବିଶ୍ବଜିତ ବାରିକ : ବିଶ୍ୱ ଛେନାପୋଡ ଦିବସ ଅବସରରେ ସାରା ରାଜ୍ୟରେ ଏହା ପାଳିତ ହେଉଥିବା ବେଳେ ଭାପୁର ବ୍ଲକର ବଜାର ଠାରୁ ଗାଁ ଗହଳି ଏବଂ ସରକାରୀ କାର୍ଯ୍ୟାଳୟରେ ଛେନାପୋଡ କଟାଯାଇ ଉତ୍ସବକୁ ପାଳନ କରାଯାଇଥିଲା । ଭାପୁର ବ୍ଲକ କାର୍ଯ୍ୟାଳୟ ପରିସରରେ ବିଡ଼ିଓ ରଞ୍ଜିତ କୁମାର ମଲ୍ଲିକ ଛେନାପୋଡ କାଟି ଉତ୍ସବ ପାଳନ କରିଥିବା ବେଳେ ବ୍ଲକର ସମସ୍ତ ଅଧିକାରୀ ଓ କର୍ମଚାରୀ ଉପସ୍ଥିତ ରହିଥିଲେ । ସେହିପରି ତହସିଲ କାର୍ଯ୍ୟାଳୟ ପରିସରରେ ତହସିଲଦାର ଲଗ୍ନିଜିତ ବେହେରା ଛେନାପୋଡ କାଟି ଏହାକୁ ପାଳନ କରିଥିଲେ । ତହସିଲର ସମସ୍ତ କର୍ମଚାରୀ ଉପସ୍ଥିତ ରହିଥିଲେ । ଭାପୁର ସଦର ମହକୁମା ପୂର୍ତ୍ତବିଭାଗ ଡାକବଙ୍ଗଳାରେ ନୟାଗଡ଼ ଜିଲ୍ଲାର ବରିଷ୍ଠ ସାମ୍ବାଦିକ ରବିନ୍ଦ୍ର କୁମାର ପଟ୍ଟନାୟକଙ୍କ ଅଧ୍ୟକ୍ଷତାରେ ଛେନାପୋଡ ଦିବସ ପାଳନ କରାଯାଇଥିଲା । ଏହି କାର୍ଯ୍ୟକ୍ରମରେ ପେଷାଦାର ସାମ୍ବାଦିକ ସ°ଘର ସଭାପତି ଶୁଭେନ୍ଦ୍ର କୁମାର ପଟ୍ଟନାୟକ , ସମ୍ପାଦକ ସ°ଗ୍ରାମ ପଟ୍ଟନାୟକ, ବରିଷ୍ଠ ସାମ୍ବାଦିକ ସନାତନ ଷଡ଼ଙ୍ଗୀ , ପ୍ରଭାତ କୁମାର ପଟ୍ଟନାୟକ , ମନୋଜ କିଶୋର ସାହୁ , ଶ୍ରୀକାନ୍ତ ରାଉତ , ରାଜ ନାରାୟଣ ପଳେଇ , ଜ୍ୟୋତି ରଞ୍ଜନ ମହାରଣା ,ବିଶ୍ୱଜିତ ବାରିକ ,ପ୍ରଭାତ କୁମାର ବରାଡ, ସୁଶାନ୍ତ କୁମାର ପଟ୍ଟନାୟକ ପ୍ରମୁଖ ଉପସ୍ଥିତ ରହି ଏହି ଦିବସ ପାଳନ କରିଥିଲେ । ଭାପୁର ବ୍ଲକର ସମସ୍ତ ସରକାରୀ କାର୍ଯ୍ୟାଳୟ , ଛକବଜାର ,ଗାଁ ଗହଳିରେ ଘରେ ଘରେ ଛେନାପୋଡ ନେଇ ପାଳନ କରାଯାଇଥିବା ଦେଖିବାକୁ ମିଳିଥିଲା ।
