ନିଶ୍ଚିନ୍ତକୋଇଲି ( ଆୱାଜ ମିଡ଼ିଆ ) – ଡମ୍ବରୁଧର ବେହେରା : ହନୁମାନ ଶକ୍ତି ଜାଗରଣ ସମିତି ପକ୍ଷରୁ କଟକ ଜିଲ୍ଲା ନିଶ୍ଚିନ୍ତକୋଇଲି ଅସୁରେଶ୍ଵର ପଞ୍ଚାୟତ ଖେଳପଡିଆ ଠାରେ ହନୁମାନ ଜନ୍ମ ଉତ୍ସବ ପାଳନ ହୋଇଯାଇଛି । ଏହି ଅବସରରେ ନିଶ୍ଚିନ୍ତକୋଇଲି ଠାରୁ ଏକ ବିରାଟ ଶୋଭାଯାତ୍ରାରେ ଶହ ଶହ ହନୁମାନ ଜାଗରଣ ସମିତି ସଭ୍ୟମାନେ ମଟର ସାଇକେଲ ରାଲି ରେ ସାମିଲି ହୋଇ ଜୟ ଶ୍ରୀରାମ, ଜୟ ହନୁମାନ ସ୍ଲୋଗାନ ଦେଇଥିଲେ ! ନିଶ୍ଚିନ୍ତକୋଇଲି ରୁ ଅସୁରେଶ୍ଵର ପଯ୍ୟନ୍ତ ଏକ ଭକ୍ତିମୟ ପରିବେଶ ସୃଷ୍ଟି ହୋଇଥିଲା । ହନୁମାନ ଶକ୍ତି ଜାଗରଣ ସମିତି ସମସ୍ତ ସଦସ୍ୟ ଶେଷରେ ଅସୁରେଶ୍ଵର ଖେଳପଡିଆ ଠାରେ ପହଞ୍ଚି ଏକତ୍ର ହୋଇ ହନୁମାନ ଚାଳିଶା ପଠନ କରିଥିଲେ । ଅତିଥି ମାନେ ହନୁମାନ ଙ୍କ ନିକଟରେ ଦୀପ ପ୍ରଜ୍ବଳନ କରି ସଭା ଆରମ୍ଭ କରିଥିଲେ । ହନୁମାନ ଶକ୍ତି ଜାଗରଣ ସମିତି ର ପୂର୍ବ ପ୍ରାନ୍ତିୟ ସଦସ୍ୟ ସୁମନ୍ତ ଘଡ଼ାଇ ଙ୍କ ସଭାପତିତ୍ବରେ ଆୟୋଜିତ ହନୁମାନ ଜନ୍ମତ୍ସବ କାର୍ଯ୍ୟକ୍ରମ ରେ ମୂଖ୍ୟ ଅତିଥି ରୂପେ ଆଧ୍ୟାତ୍ମିକ ଗୁରୁ ପୂଜ୍ୟସ୍ପଦ ପଦ୍ମଶ୍ରୀ ବାବା ବଳିଆ ଯୋଗଦେଇ ଯୁବକ ମାନେ ଶୃଙ୍ଖଳିତ ଓ ସଂଯମ ହେଲେ ସୁସ୍ଥ ସମାଜ ଗଠନ ହୋଇପାରିବ ବୋଲି କହିଥିଲେ । ହନୁମାନ ଜନ୍ମତ୍ସବ କାର୍ଯ୍ୟକ୍ରମ ରେ ରାଷ୍ଟ୍ରୀୟ ସ୍ଵୟଂସେବକ ସଂଘ ସଭ୍ୟ ଅତିଥି ରୂପେ ପ୍ରଦିପ୍ତ କୁମାର ମହାପାତ୍ର ଯୋଗ ଦେଇଥିଲେ । ଏହି କାର୍ଯ୍ୟକ୍ରମ ରେ ସ୍ଥାନୀୟ ବରିଷ୍ଠ ବ୍ୟକ୍ତି ମାନେ ଯୋଗ ଦେଇଥିଲେ । କାର୍ଯ୍ୟକ୍ରମକୁ ସରସ ସୁନ୍ଦର କରିବା ନିମନ୍ତେ ଅସୁରେଶ୍ଵର ଅଞ୍ଚଳ ର ଯୁବ ସଦସ୍ୟ ପ୍ରତାପ ଚନ୍ଦ୍ର ବେହେରା, ସାଗର କୁମାର ମଳିକ ପ୍ରମୁଖ ସହଯୋଗ କରିଥିଲେ ।
