ଯାଜପୁର ( ଆୱାଜ ମିଡ଼ିଆ ) – ଜିଜ୍ଞାସୁ ସାହୁ : ସୁକିନ୍ଦା ଥାନା ଅଞ୍ଚଳର ଜଣେ ୬୫ ବର୍ଷୀୟ ବୃଦ୍ଧ ଜଣେ ୧୬ ବର୍ଷର ନାବାଳିକାଙ୍କୁ ଧମକ ଦେଇ ଶାରୀରିକ ସମ୍ପର୍କ ରଖି ଗର୍ଭବତୀ କରିଥିବା ନେଇ ଅଭିଯୋଗ ହୋଇଛି । ଏଭଳି ଏକ ଅଭାବନୀୟ ଘଟଣା ଘଟିଛି ସୁକିନ୍ଦା ଥାନା ଅନ୍ତର୍ଗତ ଘାଗିଆ ଗ୍ରାମରେ । ଲେମ୍ବୁ ପଞ୍ଚାୟତର ଘାଗିଆ ଗ୍ରାମ ମଦନ ବେହେରା ସେହି ଗ୍ରାମର ଜଣେ ନାବାଳିକାଙ୍କ ଘରେ କେହି ନଥିବା ସୁଯୋଗରେ ଧମକ ଦେଇ ବାରମ୍ବାର ଶାରୀରିକ ସମ୍ପର୍କ ରଖି ଗର୍ଭବତୀ କରିଥିବା ପୀଡ଼ିତା ପରିବାର ସହ ସୁକିନ୍ଦା ଥାନାରେ ପହଞ୍ଚି ଅଭିଯୋଗ କରିଛନ୍ତି । ପୀଡ଼ିତା ଙ୍କ ମା ଙ୍କର ଦେହାନ୍ତ ପରେ ସେ ବାପା ଓ ଭାଇଙ୍କ ସହ ଘରେ ରହେ । ଦିନରେ ବାପା ଓ ଭାଇ କାମ କରିବାକୁ ଯିବାପରେ ନାବାଳିକା ଘରେ ଏକା ହୋଇଯିବା ପରେ ମଦନ ନାବାଳିକା ଘରେ ପହଞ୍ଚି ଧମକ ଦେଇ ଶାରୀରିକ ସମ୍ପର୍କ ରଖିଥିବା ପୀଡ଼ିତା ପୋଲିସ ନିକଟରେ ପ୍ରକାଶ କରିଛି । ଏନେଇ ପୋଲିସ ଏକ ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଛି ।
