ଦଶପଲ୍ଲା ( ଆୱାଜ ମିଡ଼ିଆ ) – ସଞ୍ଜୀବ କୁମାର ଡାକୁଆ : ଦଶପଲ୍ଲା ଥାନା ଟାକେରା ଗ୍ରାମ ରେ ବୋମା ମାଡ଼ , ଗୋଟିଏ ପରିବାର ର ୩ ଆହତ ! ପୂର୍ବ ଶତ୍ରୁତା କୁ ନେଇ ବୋମା ମାଡ଼ ହୋଇଥିବା ସୂଚନା । ଦଶପଲ୍ଲା ଥାନା ଅନ୍ତର୍ଗତ ଟାକେରା ଗ୍ରାମ ରେ ପୂର୍ବ ଶତ୍ରୁତା କୁ କେନ୍ଦ୍ର କରି ବୋମା ମାଡ଼ ହୋଇଥିବା ସମୟରେ ଗୋଟିଏ ପରିବାର ର ୩ ଜଣ ଗୁରୁତର ଆହତ ହୋଇ ଚିକିତ୍ସା ପାଇଁ ଦଶପଲ୍ଲା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର ରେ ଭର୍ତି ହୋଇଛନ୍ତି ! ସୂଚନା ଅନୁସାରେ ଗ୍ରାମ ର ଶ୍ରୀନିବାସ ବେହେରା ଏବଂ ଶ୍ରୀକାନ୍ତ ଷଡ଼ଙ୍ଗୀ ଙ୍କ ମଧ୍ୟରେ ପୂର୍ବରୁ ଏକ ଦୋକାନ କୁ ନେଇ ବିବାଦ ଥିବା ବେଳେ ଶ୍ରୀନିବାସ ବେହେରା ସେହି ରାଗରେ ଶ୍ରୀକାନ୍ତ ଷଡ଼ଙ୍ଗୀ ଙ୍କ ଦୋକାନ ଉପରକୁ ବୋମା ମାଡ଼ କରିଥିଲେ ! ଦୋକାନ ଭିତରେ ଶ୍ରୀକାନ୍ତ ଏବଂ ତାଙ୍କ ଦୁଇ ଭାଇ ସୁଶାନ୍ତ ଏବଂ ଶଶିକାନ୍ତ ଥିବାବେଳେ ୩ ଜଣ ଯାକ ଗୁରୁତର ଆହତ ହୋଇଛନ୍ତି ! ବୋମାମାଡ ପରେ ଗ୍ରାମବାସୀ ଶ୍ରୀନିବାସ ବେହେରା କୁ କାବୁ କରିବା ସହ ଦଶପଲ୍ଲା ପୋଲିସ କୁ ଖବର ଦେଇଥିଲେ ! ପୋଲିସ ଘଟଣା ସ୍ଥଳରେ ପହଞ୍ଚି ୨ ଟି ଅଫୁଟା ବୋମା ଜବତ କରି ନିଷ୍କ୍ରିୟ କରିବା ସହ ଶ୍ରୀନିବାସ ପାଖରୁ ମାରଣାସ୍ତ୍ର ଜବତ କରିଥିଲା ! ଶ୍ରୀନିବାସ କୁ ଗିରଫ କରି ଅଧିକ ତଦନ୍ତ ଜାରି ରଖିଛି ପୁଲିସ , ଅନ୍ୟପଟେ ୩ ଆହତ ବ୍ୟକ୍ତି ଙ୍କର ଚିକିତ୍ସା ଦଶପଲ୍ଲା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର ରେ ଚାଲିଛି !
