ନୟାଗଡ଼ ( ଆୱାଜ ମିଡ଼ିଆ ) – ବିଶ୍ବଭୂଷଣ ମହାପାତ୍ର : ନୟାଗଡ଼ ଜିଲ୍ଲା ବିଜୁ ମହିଳା ଜନତା ଦଳର ଜିଲ୍ଲା କାର୍ୟ୍ୟକାରିଣୀ ବୈଠକ ବିଜେଡି କାର୍ଯ୍ୟାଳୟଠାରେ ଅନୁଷ୍ଠିତ ହୋଇଯାଇଛି । ବିଜୁ ମହିଳା ଜନତା ଦଳ ନୟାଗଡ଼ ଜିଲ୍ଲା ସଭାପତି ବିରଜା ଲକ୍ଷ୍ମୀ ସାହୁଙ୍କ ସଭାପତିତ୍ୱରେ ଅନୁଷ୍ଠିତ ଉକ୍ତ ଉତ୍ସବରେ ମୁଖ୍ୟ ଅତିଥି ଭାବେ ରାଜ୍ୟ ବିଜୁ ମହିଳା ଜନତା ଦଳ ସଭାପତି ସ୍ନେହାଙ୍ଗିନ ଛୁରିଆ ଯୋଗ ଦେଇଥିଲେ । ଏହି ବୈଠକରେ ବିଜୁ ମହିଳା ଜନତା ଦଳର ମହାସଚିବ କସ୍ତୁରୀ ମହାପାତ୍ର, ଅନୁସୁଚିତ ଜାତି ଓ ଜନଜାତିର ରାଜ୍ୟ ସଂଯୋଜିକା ଭାରତୀ ସିଂ, ବରିଷ୍ଠ ଉପସଭାନେତ୍ରୀ ମାନସି ସୁନ୍ଦରାୟ, ରାଜ୍ୟ ବିଜୁ ମହିଳା ଜନତା ଦଳର କୋଷାଧ୍ୟକ୍ଷ ଜୟଶ୍ରୀ ଦାସ, ବରିଷ୍ଠ ଉପସଭାନେତ୍ରୀ ପ୍ରଭାସିନି ନନ୍ଦ, ମାଳତୀ ଗୁରୁ ଓ ଜିଲ୍ଲାସ୍ତରୀୟ ସମସ୍ତ କାର୍ୟ୍ୟକର୍ତ୍ତା ଯୋଗ ଦେଇଥିଲେ । ଏହି ଅବସରରେ ନୟାଗଡ଼ ବିଧାୟକ ଡ. ଅରୁଣ କୁମାର ସାହୁ, ଜିଲ୍ଲା ପରିଷଦ ଅଧ୍ୟକ୍ଷ ଇଂ. ଦେବାଶିଷ ପଟ୍ଟନାୟକ, ନୟାଗଡ଼ ପୌରାଧ୍ୟକ୍ଷା ନିରୁପମା ଖଟ୍ଟେଇ, ରଣପୁର ବିଧାୟକ ସତ୍ୟନାରାୟଣ ପ୍ରଧାନ, ଜିଲ୍ଲା ବିଜେଡି ସଭାପତି ତଥା ଦଶପଲ୍ଲା ବିଧାୟକ ରମେଶ ଚନ୍ଦ୍ର ବେହେରା ପ୍ରମୁଖ ଯୋଗ ଦେଇଥିଲେ । ବିଜୁ ମହିଳା ଜନତା ଦଳର ମହାସଚିବ କସ୍ତୁରୀ ମହାପାତ୍ର ସାମାଜିକ ଗଣମାଧ୍ୟମରେ ମୁଖ୍ୟମନ୍ତ୍ରୀଙ୍କ ବିକାଶ ମୁଳକ କାର୍ୟ୍ୟକୁ ପ୍ରଚାର ପ୍ରସାର କରିବା ପାଇଁ ଗୁରୁତ୍ୱ ଦେଇଥିଲେ । ମୁଖ୍ୟମନ୍ତ୍ରୀ ମହିଳାଙ୍କୁ ସଶକ୍ତ କରିବା ପାଇଁ ବିଭିନ୍ନ ଯୋଜନା ପ୍ରଣୟନ କରିଛନ୍ତି । ସମସ୍ତ ବିକାଶ ଧାରାରେ ମହିଳାମାନେ ସାମିଲ ହେବା ସହିତ ‘ଆମ ଓଡ଼ିଶା ନବୀନ ଓଡିଶା’ ବିକାଶରେ ଭାଗିଦାର ହେବ ବୋଲି ଉଦବୋଧନ ଦେଇଥିଲେ । ଏହି ଅବସରରେ ସମସ୍ତ ବିଧାୟକ ଓ ଅତିଥିମାନେ ମୁଖ୍ୟମନ୍ତ୍ରୀଙ୍କ ବିଭିନ୍ନ ଯୋଜନା ସମ୍ପର୍କରେ ବକ୍ତବ୍ୟ ରଖିଥିଲେ । ରାଜ୍ୟ ସଭାନେତ୍ରୀ ସ୍ନେହାଙ୍ଗିନ ଛୁରିଆ ବିକାଶ କହିଲେ ବିଜୁ ଜନତା ଦଳକୁ ବୁଝାଏ । ସମସ୍ତେ ବିଜୁ ଜନତା ଦଳକୁ ଆଗେଇ ନେବା ପାଇଁ ପରାମର୍ଶ ଦେଇଥିଲେ । ଗାଁଠୁ ସହର ସବୁଆଡେ ଓଡ଼ିଶା ବିକାଶ ମୁହାଁ ହୋଇଛି । ସାରା ଭାରତ ବର୍ଷରେ ଓଡ଼ିଶା ବିକଶିତ ରାଜ୍ୟ ଭାବରେ ଗଢ଼ି ଉଠିଛି । ଉପାନ୍ତ ଅଞ୍ଚଳରେ ବିକାଶ ଶୀର୍ଷରେ ପହଞ୍ଚିବାରେ ଲାଗିଛି । ମିଶନ ଶକ୍ତିର ମା’ଙ୍କ ପାଇଁ ମୁଖ୍ୟମନ୍ତ୍ରୀଙ୍କ ପରିକଳ୍ପନା ଆଜି ସେମାନଙ୍କୁ ଆର୍ଥିକ ସାମାଜିକ କ୍ଷେତ୍ରରେ ଆଗୁଆ କରିବାକୁ ମୁଖ୍ୟ ଭୂମିକା ନିର୍ବାହ କରିଛି । ମୁଖ୍ୟମନ୍ତ୍ରୀଙ୍କର କାର୍ୟ୍ୟକୁ ସାରା ଭାରତ ବର୍ଷ ଅନୁସରଣ କରୁଛି । ୱାର୍ଡସ୍ତରରୁ ସଙ୍ଗଠନ ଆରମ୍ଭ କରିବା ସହିତ ପ୍ରତ୍ୟେକ ଘରେ ଘରେ ମହିଳାମାନେ ସାମିଲ ହୋଇ ବିଜୁ ଜନତା ଦଳର ବିକାଶ ବାର୍ତ୍ତାକୁ ପହଞ୍ଚାଇବାକୁ ସ୍ନେହାଙ୍ଗିନ ପରାମର୍ଶ ଦେଇଥିଲେ । ବିଜୁ ଜନତା ଦଳର ବିକଳ୍ପ ସାରା ଭାରତ ବର୍ଷର କୌଣସି ଦଳ ନାହିଁ । ମହିଳାମାନେ ଚାହିଁଲେ ଆଗାମୀ ନିର୍ବାଚନରେ ମୁଖ୍ୟମନ୍ତ୍ରୀ ପୁଣି ସାରା ଭାରତ ବର୍ଷରେ ଏକ ନମ୍ବର ହୋଇ ରେକର୍ଡ଼ ସୃଷ୍ଟି କରି ପାରିବେ ବୋଲି କହିଥିଲେ । ଏହି ଅବସରରେ ନୟାଗଡ଼ ବିଧାୟକ ଡ. ସାହୁ ବିଜୁ ଜନତା ଦଳର ବିକାଶର ବାର୍ତ୍ତାକୁ ରଖିଥିଲେ । ସାରା ଭାରତ ବର୍ଷରେ ବିଜୁ ଜନତା ଦଳ ଗୋଟିଏ ଦଳ ଯେଉଁ ଦଳ ପ୍ରତ୍ୟେକ ନିର୍ବାଚନରେ ଭୋଟହାର ବୃଦ୍ଧି କରିବାରେ ସଫଳ ହୋଇଛି । ସେଥିପାଇଁ ମା’ ଙ୍କର ଭୂମିକା ଅଧିକ ରହିଛି । ମା’ ମାନଙ୍କ ସହଯୋଗ ଓ କଠିନ ପରିଶ୍ରମ ପାଇଁ ବିଜୁ ଜନତା ଦଳ ଆଗାମୀ ଦିନରେ ପୁଣି ଏକ ନମ୍ବର ହୋଇପାରିବ । ନୟାଗଡ଼ ଜିଲ୍ଲାର ୪ ଟି ନିର୍ବାଚନ ମଣ୍ଡଳୀରେ କିପରି ଶଙ୍ଖ ବାଜିବା ପାଇଁ ସମସ୍ତେ ଆଜିଠାରୁ ପ୍ରସ୍ତୁତ ହେବା ଦରକାର । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ବିକଳ୍ପ ସାରା ଭାରତ ବର୍ଷରେ କୌଣସି ନେତା ନାହାନ୍ତି ବୋଲି ଡ. ସାହୁ ପ୍ରକାଶ କରିଥିଲେ । ଏହି କାର୍ୟ୍ୟକ୍ରମରେ ଜିଲ୍ଲାର କୋଣ ଅନୁକୋଣରେ ଥିବା ସମସ୍ତ କାର୍ୟ୍ୟକର୍ତ୍ତା ଯୋଗ ଦେଇଥିଲେ । ନୟାଗଡ଼ ବ୍ଲକ ଅଧ୍ୟକ୍ଷ କିଶୋର ଚନ୍ଦ୍ର ସାହୁ, ଉପାଧ୍ୟକ୍ଷା ଲକ୍ଷ୍ମୀପ୍ର୍ରିୟା ସାହୁ, ନୟାଗଡ଼ ପୌରାଞ୍ଚଳ ଉପାଧ୍ୟକ୍ଷ ଗୁରୁପ୍ରସାଦ ଜେନା, ରଣପୁର ଏନଏସିର ଅଧ୍ୟକ୍ଷା ରଙ୍ଗିନ ମହାନ୍ତି ପ୍ରମୁଖ ଯୋଗ ଦେଇଥିଲେ ।
