ଯାଜପୁର ( ଆୱାଜ ମିଡ଼ିଆ ) – ଜିଜ୍ଞାସୁ ସାହୁ : କାଳିଆପାଣି ଥାନା ସୁକୁରଙ୍ଗି ଅଞ୍ଚଳରେ ଆଜି ଦିବା 2 ଘଟିକା ସମୟରେ ୨ ଜଣ ନିଷ୍ପାପ ଶିଶୁକନ୍ୟାଙ୍କ ପ୍ରତି ଦୁଷ୍କର୍ମ ଅଭିଯୋଗ ହୋଇଛି । ପୁଲିସ ଗିରଫ କରିଥିବା ଅଭିଯୁକ୍ତ ଜଣକ ସ୍ଥାନୀୟ ଅଞ୍ଚଳର କ୍ଷେତ୍ରବାସ ଦେହୁରୀଙ୍କ ପୁଅ ରତ୍ନାକର ଦେହୁରୀ । ପ୍ରଥମ ଶ୍ରେଣୀରେ ପଢ଼ୁଥିବା ଶିଶୁକନ୍ୟା ସହପାଠିନୀ ଦ୍ବୟ ଆଜି ସକାଳ ସ୍କୁଲରୁ ଫେରି ନିଜ ଘର ପାଖରେ ଖେଳୁଥିଲେ । ଗାଁ ପାଖ ପୋଖରୀରେ ମାଛ ଦେଖାଇବାର ଉତ୍ସାହ ଦେଖାଇ ଅଭିଯୁକ୍ତ ସେମାନଙ୍କୁ ସେଠାକୁ ଡାକି ନେଇଥିଲା । ସେଠାରେ ସେ ଉଭୟଙ୍କୁ ଏକୁଟିଆ ପାଇ ଜଣକ ପରେ ଅନ୍ୟ ଜଣକୁ ଦୁଷ୍କର୍ମ କରିଥିଲା । କିଛି ସମୟ ପରେ ଶିଶୁଦ୍ବୟଙ୍କୁ ପୋଖରୀ ପାଖରେ କାନ୍ଦୁଥିବା ଦେଖା ଯାଇଥିଲା । ସଂପୃକ୍ତ ଦୁଇ ପରିବାର ଶିଶୁ ଦ୍ବୟଙ୍କୁ ଆହତ ଅବସ୍ଥାରେ ଘରକୁ ଆଣିବା ପରେ ସେମାନଙ୍କ ବୟାନ କୁ ନେଇ ଗାଁରେ ହଟଚମଟ ସୃଷ୍ଟି ହୋଇଥିଲା । ଥାନା ଅଧିକାରୀ ସୁଶାନ୍ତ କୁମାର ଦାସ ସୂଚନା ପାଇ ଘଟଣାସ୍ଥଳରେ ପହଞ୍ଚି ଶିଶୁ ଦ୍ବୟଙ୍କୁ ଉଦ୍ଧାର କରି ଆଜି ମେଡିକାଲ ପଠାଇଥିଲେ । ଛାନଭିନ୍ ପରେ ଆତ୍ମଗୋପନ କରିଥିବା ଅଭିଯୁକ୍ତକୁ ପୁଲିସ ଘରୁ ଉଠାଇ ଆଣିଥିଲା । ଏ ସଂକ୍ରାନ୍ତରେ ଥାନାରେ ଏକ କେସ୍ ନଂ ୭୭/୨୩ ଏକ ମାମଲା ରୁଜ୍ଜୁ ହୋଇଥିବା ଓ ପ୍ରାଥମିକ ତଦନ୍ତ ପରେ ଆଜି ଅଭିଯୁକ୍ତକୁ ଜିଲ୍ଲା ବିଚାର ବିଭାଗୀୟ ଅଦାଲତକୁ ପଠେଇ ଦିଆଯାଇଥିବା ଦେଖିବାକୁ ମିଳିଛି ।
