ଯାଜପୁର ( ଆୱାଜ ମିଡ଼ିଆ ) – ଜିଜ୍ଞାସୁ ସାହୁ : ସୁକିନ୍ଦା ଥାନା ଅନ୍ତର୍ଗତ ହୁଡ଼ିସାହିରେ ସ୍ବାମୀ ଅତ୍ୟାଚାର ସହି ନପାରି ଜଣେ ମହିଳା ସୁକିନ୍ଦା ଥାନା ର ଦ୍ବାରସ୍ଥ ହୋଇଥିବା ଦେଖିବାକୁ ମିଳିଛି । ସୂଚନା ମୁତାବକ ମୟୁରଭଞ୍ଜ ଅଞ୍ଚଳର କୈଳାଶ ଚନ୍ଦ୍ର ମହାନ୍ତଙ୍କ ଝିଅ ସତ୍ୟଭାମା ମହାନ୍ତ କିଛି ବର୍ଷ ପୂର୍ବରୁ ସୁକିନ୍ଦା ଥାନା ଅନ୍ତର୍ଗତ ହୁଡ଼ିସାହି ବାସିନ୍ଦା ଡମ୍ବୁରୁଧର ମହାନ୍ତଙ୍କ ପୁଅ ମୁରଲୀ ମହାନ୍ତଙ୍କୁ ବିବାହ କରିଥିଲେ । ବ୍ୟକ୍ତିଗତ ସମସ୍ୟାକୁ କେନ୍ଦ୍ର କରି ମୁରଲୀ ମହାନ୍ତ ତାଙ୍କ ସ୍ତ୍ରୀ ସତ୍ୟଭାମା ମହାନ୍ତଙ୍କୁ ଅତ୍ୟାଚାର କରିବା ସହିତ ମାଡ଼ ମାରି ଆହତ କରିଥିବା ବେଳେ ଏ ନେଇ ସତ୍ୟଭାମା ମହାନ୍ତ ସୁକିନ୍ଦା ଥାନା ଦ୍ୱାରସ୍ଥ ହୋଇ ଲିଖିତ ଅଭିଯୋଗ ଦେଖିବାକୁ ମିଳିଛି । ସୁକିନ୍ଦା ପୋଲିସ ଲିଖିତ ଅଭିଯୋଗକୁ ଭିତ୍ତିକରି ଘଟଣାର ତଦନ୍ତ ଜାରି ରଖିଥିବା ସୁକିନ୍ଦା ପୋଲିସ୍ ପକ୍ଷରୁ ସୂଚନା ମିଳିଛି ।
