ଯାଜପୁର ( ଆୱାଜ ମିଡ଼ିଆ ) – ଜିଜ୍ଞାସୁ ସାହୁ : ପରମ ପ୍ରେମମୟ ଠାକୁର ଅନୁକୂଳ ଚନ୍ଦ୍ରଙ୍କ ୧୩୬ ତମ ଜନ୍ମ ଦିବସ ପାଳିତ । ଠାକୁର୍ ଅନୁକୂଳ ଚନ୍ଦ୍ରଙ୍କ ଜନ୍ମ ମାସ ଅବସରରେ ଗତ ଏକ ମାସ ଧରି ସୁକିନ୍ଦା ଅଞ୍ଚଳର ବିଭିନ୍ନ ସ୍ଥାନରେ ଭାଦ୍ରବ ପରିକ୍ରମା ଚାଲିଥିବା ସତସଙ୍ଗ କାର୍ଯ୍ୟକ୍ରମ ସନ୍ଧ୍ୟାରେ ଉଦଯାପିତ ହୋଇଯାଇଛି । ସୁକିନ୍ଦା ସତସଙ୍ଗ ବିହାର ପରିସରରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ପ୍ରତ୍ଯୁଷରୁ ବେଦ ମାଙ୍ଗଳିକ, ନହବତ ଉଷା କୀର୍ତ୍ତନ,ଜନ୍ମ ଲଗ୍ନ ଘୋଷଣା ଓ ତତ୍ପରେ ନାମ ସଂକୀର୍ତ୍ତନ। ଅପରାହ୍ନରେ ବକ୍ତା ଲିପିକା ମହାପାତ୍ର ଅଧ୍ୟକ୍ଷତାରେ ଅନୁଷ୍ଠିତ ମାତୃ ସମ୍ମିଳନୀ ସ୍ନେହlଞ୍ଜଳୀ, ଜୟଶ୍ରୀ, ସୁଧାରଣୀ ,ସୁଲଚନା ମାଙ୍କ ଦ୍ଵାରା ଭଜନ ସଂକୀର୍ତ୍ତନ ପରିବେଷଣ ହୋଇଥିଲା l ସଂଘମିତ୍ରା ଓ ଶ୍ରଦ୍ଧାଞ୍ଜଳି ଦ୍ବିବେଦୀ ଠାକୁରଙ୍କ ଜୀବନ ଦର୍ଶନ ଉପରେ ଆଲୋକପାତ କରିଥିଲେ । ସନ୍ଧ୍ୟାରେ ସତସଙ୍ଗ ସଦାଲୋଚନା ଅନୁଷ୍ଠିତ ହୋଇଥିଲା ଯେଉଁଥିରେ ମୁଖ୍ୟ ବକ୍ତା ଭାବେ ଭଦ୍ରକ ସତସଙ୍ଗ ବିହାରରୁ ଆଗତ ସହପ୍ରତିଋତ୍ଵିକ ନନ୍ଦ ଦୁଲାଲ ଦାସ ସାମ୍ପ୍ରତିକ ଜଗତରେ ଗୁରୁ ଗ୍ରହଣର ଆବଶ୍ୟକତା ଓ ଠାକୁରଙ୍କ ଜୀବନ ଦର୍ଶନ ବିଷଦ ଭାବେ ଆଲୋଚନା କରଥିଲେ l ୠତିକ ବୈରାଗୀ ଚରଣ ଦ୍ବିବେଦୀ ଗୋବିନ୍ଦ ଚନ୍ଦ୍ର ମହାପାତ୍ର ଓ ରଞ୍ଜିତ ମୁଦୁଲି ସମସ୍ତ କାର୍ଯ୍ୟକ୍ରମ ପରିଚାଳନା କରିଥିଲେ । ଏହି କାର୍ଯ୍ୟକ୍ରମରେ ସୁକିନ୍ଦା ଅଞ୍ଚଳର ବିଭିନ୍ନ ସ୍ଥାନରୁ ଶତାଧିକ ଭକ୍ତଙ୍କ ସମାଗମ ହୋଇଥିଲା ।
