ଯାଜପୁର ( ଆୱାଜ ମିଡ଼ିଆ ) – ଜିଜ୍ଞାସୁ ସାହୁ : ସୁକିନ୍ଦା ଅଞ୍ଚଳର ବିଭିନ୍ନ ପୂଜାମଣ୍ଡପରେ ପୂଜା ପାଇଲେ ଶ୍ରୀ ଗଣେଶ ! ପବିତ୍ର ଗଣେଶ ପୂଜା ରେ ଅଗ୍ରପୂଜ୍ୟ ପ୍ରଭୁ ଗଜାନନଙ୍କ ପୂଜା ସୁକିନ୍ଦା ଅଞ୍ଚଳର ସମସ୍ତ ଶିକ୍ଷାନୁଷ୍ଠାନ ଓ ବିଭିନ୍ନ ପୂଜା ମଣ୍ଡପରେ ଆଡ଼ମ୍ବରରେ ଆରମ୍ଭ ହୋଇଛି । ପୂର୍ବରୁ ଏହି ପୂଜା ମୁଖ୍ୟତଃ ଶିକ୍ଷାନୁଷ୍ଠାନ ଗୁଡ଼ିକରେ ଅନୁଷ୍ଠିତ ହେଉଥିବା ଦେଖା ଯାଉଥିଲା, ଏବେ ଶିକ୍ଷାନୁଷ୍ଠାନ ବ୍ୟତୀତ ବିଭିନ୍ନ ପୁଜାମଣ୍ଡପରେ ଗଣେଶ ପୂଜା ବହୁ ଆଡ଼ମ୍ବରରେ ପାଳିତ ହେଉଥିବା ଦେଖିବାକୁ ମିଳୁଛି । ସୁକିନ୍ଦାର ସମସ୍ତ ସରକାରୀ ଓ ବେସରକାରୀ ସ୍କୁଲ, କଲେଜ, ଅନ୍ୟ ଶିକ୍ଷାନୁଷ୍ଠାନ ବ୍ୟତୀତ ବନବିଭାଗ କାର୍ଯ୍ୟାଳୟ, ଯୁବକ ସଂଘ ଓ ଗ୍ରାମର ବିଭିନ୍ନ ପୂଜା ମଣ୍ଡପରେ ଗଣେଶଙ୍କ ପୂଜା ମହାଆଡ଼ମ୍ବରରେ ଅନୁଷ୍ଠିତ ହେଇଛି । ସୁକିନ୍ଦା ଅଞ୍ଚଳର ସମସ୍ତ ପୁଜାମଣ୍ଡପ ମଧ୍ୟରେ ବଞ୍ଜା ଗ୍ରାମର ଶ୍ରୀଗଣେଶ କ୍ଲବ , ତାରେଣି ସାହି ପୂଜା ମଣ୍ଡପରେ କୋଡ଼ିଏ ଫୁଟ ଉଚ୍ଚତା ବିଶିଷ୍ଟ ଗଜାନନଙ୍କ ମୂର୍ତ୍ତି ଓ ସୁନ୍ଦର ସାଜସଜ୍ଜା ଆକର୍ଷଣର କେନ୍ଦ୍ରବିନ୍ଦୁ ପାଲଟିଛି ।
