ଯାଜପୁର ( ଆୱାଜ ମିଡ଼ିଆ ) – ଜିଜ୍ଞାସୁ ସାହୁ : ସୁକିନ୍ଦା ଥାନା ଅନ୍ତର୍ଗତ ବନ୍ଧଗାଁ ଗ୍ରାମପଞ୍ଚାୟତ ଅଧିନସ୍ଥ ରାଙ୍କିଆ ବୁରୁ ସାହିରେ ଗୁରୁବାର ଦିବା 12 ଘଟିକା ସମୟରେ ଗଣ୍ଡଗୋଳ ଘଟି ଦୁଇ ମହିଳା ଗୁରୁତର ଆହତ ହୋଇ ଏବେ କଟକ ସ୍ଥାନାନ୍ତରିତ ହୋଇଛନ୍ତି । ସୂଚନା ମୁତାବକ ରାଙ୍କିଆ ବୁରୁ ସାହିରେ ଆଜି ବ୍ୟକ୍ତିଗତ ସମସ୍ୟାକୁ କେନ୍ଦ୍ର କରି ପଡୋଶୀଙ୍କ ମଧ୍ୟରେ ପାରିବାରିକ କଳହ ସୃଷ୍ଟି ହୋଇଥିଲା । ଏହି ଗଣ୍ଡୋଗୋଳକୁ କେନ୍ଦ୍ର କରି ଗ୍ରାମର 40 ବର୍ଷିୟ ଓକିଲ ସଏ ଠେଙ୍ଗା ପ୍ରହାରରେ ଗ୍ରାମର ଦୁଇ ମହିଳା 35 ବର୍ଷିୟ ବାଲି ସଏ ଓ ବାସନ୍ତୀ ଚାତାରଙ୍କ ଗୋଡ, ହାତ ଭାଙ୍ଗି ଯିବା ସହିତ ମୁଣ୍ଡରେ ଆଘାତ ଲାଗି ଗୁରୁତର ଆହତ ହୋଇଥିବା ଦେଖିବାକୁ ମିଳିଥିଲା । ସ୍ଥାନୀୟ ଲୋକେ ଏହା ଦେଖି ଦେଖି ତୁରନ୍ତ ସୁକିନ୍ଦା ଦମକଳ ବାହୀନିର କର୍ମଚାରୀ ମାନଙ୍କ ସହିତ ଯୋଗାଯୋଗ କରିଥଲେ । ସୁକିନ୍ଦା ଦମକଳ ବାହୀନିର କର୍ମଚାରୀ ମାନେ ସୂଚନା ପାଇବା ପରେ ଫାୟାର ଅଫିସର୍ ରଜନୀକାନ୍ତ ସାମଲଙ୍କ ନିର୍ଦ୍ଦେଶ କ୍ରମେ ଏକ ସ୍ବତନ୍ତ୍ର ଟିମ୍ ଘଟଣାସ୍ଥଳରେ ପହଞ୍ଚି ଦୁଇ ମହିଳାଙ୍କୁ ଉଦ୍ଧାର କରି ସୁକିନ୍ଦା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ । ସୁକିନ୍ଦା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଦୁଇ ମହିଳାଙ୍କର ପ୍ରାଥମିକ ଚିକିତ୍ସା ପରେ ତାଙ୍କର ଅଧିକ ଚିକିତ୍ସା ନିମନ୍ତେ ଏବେ ଦୁଇ ମହିଳାଙ୍କୁ କଟକ କୁ ସ୍ଥାନାନ୍ତରିତ କରାଯାଇଥିବା ସୂଚନା ମିଳିଛି ।
