ନୟାଗଡ ( ଆୱାଜ ମିଡ଼ିଆ ) – ମମତା ମହାପାତ୍ର : ଜାତୀୟ ପ୍ରେସ ଦିବସ ସାରା ଦେଶରେ ପାଳନ କରାଯାଉଥିବା ବେଳେ ଭାପୁର ବ୍ଲକରେ ଶୁଖିଲା ଖାଦ୍ୟ ଓ ଫଳ ବଣ୍ଟନ କରି ପ୍ରେସ ଦିବସ ପାଳନ କଲେ ଯୁବ ସାମ୍ବାଦିକ । ଆଜି ପୂର୍ବାହ୍ନ ଦଶଟା ବେଳେ ଭାପୁର ବ୍ଲକର ଯୁବ ସାମ୍ବାଦିକ ତଥା ନୂତନ କରି ଗଢି ଉଠିଥିବା ଅମ୍ରିତା ଫାଉଣ୍ଡେସନର ଅଧ୍ୟକ୍ଷ ବିଶ୍ୱଜିତ ବାରିକଙ୍କ ନେତୃତ୍ୱରେ ଶୁଖିଲା ଖାଦ୍ୟ ଓ ଫଳମୂଳ ବଣ୍ଟନ କରାଯାଇଥିଲା । ଭାପୁର ମେଡିକାଲରେ ରୋଗୀ ମାନଙ୍କୁ ବଣ୍ଟନ କରାଯିବା ପରେ ଭାପୁର ପଞ୍ଚାୟତର ଭାପୁର ବଜାର ଓ ବିଭିନ୍ନ ଗ୍ରାମକୁ ଯାଇ ଏହି ଶୁଖିଲା ଖାଦ୍ୟ ଓ ଫଳମୂଳ ବଣ୍ଟନ କରାଯାଇଥିଲା । ଉକ୍ତ କାର୍ଯ୍ୟକ୍ରମରେ ସାମ୍ବାଦିକ କନକଲତା ପ୍ରଧାନ, ଜୟକୃଷ୍ଣ ତ୍ରିପାଠୀ, ଶିବପ୍ରସାଦ ସାହୁ, ମାନସ ମାଝୀ, ଶ୍ରୀକାନ୍ତ କୁମାର ରାଉତ, ସନ୍ତୋଷ କୁମାର ସ୍ୱାଇଁ, ସୁନୀଲ କୁମାର ପଟ୍ଟନାୟକ , ସ°ଗ୍ରାମ କେଶରୀ ପଟ୍ଟନାୟକ ପ୍ରମୁଖ ସହଯୋଗ କରିଥିଲେ ।
