ପାରାଦୀପ ( ଆୱାଜ ମିଡ଼ିଆ ) – ଚକ୍ରବର୍ତ୍ତୀ ଓତା : ପାରାଦୀପ ପିଆଇସିଟି କମ୍ପାନୀ ୫ ନଂ ଗେଟ୍ ନିକଟରେ ଗୁରୁତର ଅବସ୍ଥାରେ ଏକ ହରିଣ ଉଦ୍ଧାର ହୋଇଛି । କମ୍ପାନୀ ରେ କାର୍ଯ୍ୟ ସାରି ଫେରୁଥିବା ଶ୍ରମିକ ମାନେ କୁକୁର ପଲ ଙ୍କ ମଧ୍ୟରେ ଫସି ରହିଥିବା ହରିଣ ଟିକୁ ଉଦ୍ଧାର କରି କୁଜଙ୍ଗ ବନ ବିଭାଗ କୁ ହସ୍ତାନ୍ତର କରିଛନ୍ତି । ତେବେ କୁକୁର କାମୁଡାରେ , ହରିଣ ଟିର ମୁଣ୍ଡ ଓ ବେକ କ୍ଷତ ହେବା ସହ ଅତ୍ୟଧିକ ରକ୍ତ ସ୍ରାବ ହୋଇଥିବାରୁ ଖବରପାଇ ପହଞ୍ଚିଥିବା ବନବିଭାଗ ପକ୍ଷରୁ ଡାକ୍ତର ଙ୍କ ଦ୍ଵାରା ହରିଣର ଚିକିତ୍ସା କରାଯାଇ ନିଜ ହେପାଜତରେ ରଖାଯାଇଛି । ସୁସ୍ଥ ହେବା ପରେ ହରିଣଟିକୁ କୁଜଙ୍ଗ ତଣ୍ଡା ଜଙ୍ଗଲ ରେ ଛାଡି ଦିଆଯିବ ବୋଲି ବନବିଭାଗ ପକ୍ଷରୁ ସୂଚନା ଦିଆଯାଇଥିବା ବେଳେ କୁକୁର କାମୁଡାରେ ହରିଣ ର ବେକ ଛିଡି ଯାଇଥିବା ସ୍ଥାନରେ ୮ ଟି ଷ୍ଟିଚ୍ ପଡିଥିବା ଥିବା ଜଣାପଡିଛି। ତେବେ ଢିଙ୍କିଆ, ତ୍ରୀଲୋଚନପୁର ଓ ନୂଆଗାଁ ଅଞ୍ଚଳରେ ଥିବା ଜଙ୍ଗଲରୁ ବାଟ ହୁଡି ହରିଣଟି ଚାଲି ଆସିଥିବା କୁହାଯାଉଥିବା ବେଳେ ଖବର ପାଇ ପାରାଦୀପ ସିଆଇଏସ୍ଏଫ୍ ଓ ପୋଲିସ ଘଟଣା ସ୍ଥଳରେ ପହଞ୍ଚିଥିଲେ ।
