ଗଜପତି ( ଆୱାଜ ମିଡ଼ିଆ ) – ବିବେକାନନ୍ଦ ବେହେରା : ଗଜପତି ଜିଲ୍ଲା ରା.ଉଦୟଗିରି ବ୍ଳକ ଅନ୍ତର୍ଗତ ଶବରପଲ୍ଲୀ ପଞ୍ଚାୟତର ଲୁହାଖୁଣ୍ଟି ଗ୍ରାମକୁ ସ୍ଵାଧୀନତାର 77 ବର୍ଷ ବିତିଗଲେ ମଧ୍ୟ ଗ୍ରାମବାସୀ ମୌଳିକ ସୁବିଧାରୁ ବଞ୍ଚିତ ରହିଥିବା ଅଭିଯୋଗ କରିଛନ୍ତି । ଗ୍ରାମକୁ ଭଲ ରାସ୍ତା ନଥିବାରୁ ଗ୍ରାମବାସୀ ନାହିଁ ନ ଥିବା ଅସୁବିଧାର ସମ୍ମୁଖୀନ ହେଉଛନ୍ତି ବୋଲି ଜିଲ୍ଲା ପ୍ରଶାସନର ଦ୍ୱାରସ୍ଥ ହୋଇଛନ୍ତି । ରାସ୍ତା ନ ଥିବାରୁ ସେଠାରେ ସ୍ୱାସ୍ଥ୍ୟ ସେବା, 108 ଆମ୍ବୁଲାନ୍ସ କିମ୍ବା 102 ଆମ୍ବୁଲାନ୍ସ ପହଞ୍ଚି ପାରୁନଥିବା ଅଭିଯୋଗ କରିଛନ୍ତି। ଗର୍ଭବତୀ ମହିଳା, ସ୍ୱାସ୍ଥ୍ୟ ସେବା ଓ ଶିକ୍ଷା ବ୍ୟବସ୍ଥା ଓ ଅତ୍ୟାବଶ୍ୟକ ଦ୍ରବ୍ୟ ନେବା ଆଣିବା ପ୍ରବୃତ୍ତି ବହୁ ଅସୁବିଧାର ସମ୍ମୁଖୀନ ହେଉଛନ୍ତି । ତା ସହ ଗମନାଗମନର ସୁବିଧା ନଥିବାରୁ ଛୋଟ ଛୋଟ ପିଲା ମାନେ ପାଠ ପଢିବା ଅସୁବିଧା ହେଉଛି ବୋଲି ଗ୍ରାମବାସୀ ଜିଲ୍ଲା ପ୍ରଶାସନର ଦ୍ୱାରସ୍ଥ ହୋଇ ଅଭିଯୋଗ କରିଛନ୍ତି ।
