ଗଜପତି ( ଆୱାଜ ମିଡ଼ିଆ ) – ବିବେକାନନ୍ଦ ବେହେରା : ଗଜପତି ଜିଲ୍ଲା ସଦର ମହକୁମା ପାରଳାଖେମୁଣ୍ଡି ସ୍ଥିତ ଓଡିଆ ଭଣ୍ଡାରୀ ସାହିର ସୁଶାନ୍ତ ବେହେରା । ସେ ପେଷାରେ ଜଣେ ଗାଡି ଚାଳକ , ନିଶାରେ କିଛି ଭିନ୍ନ କରିବା ପ୍ରୟାସରେ ସେ ଦେଶ ବିଦେଶର ମୁଦ୍ରା, ନୋଟ , ଦିଆସିଲି ଓ ପୋଷ୍ଟକାର୍ଡ ପ୍ରଭୃତି ସଂଗ୍ରହ କରିଛନ୍ତି । ସେ ପିଲାଟି ଦିନରୁ କିଛି ଭିନ୍ନ କରିବାର ଆଗ୍ରହ ରଖିଥିଲେ । ସୁଶାନ୍ତ ବର୍ତ୍ତମାନ 135 ଦେଶର କ ଏନ୍ , 90 ଦେଶର ନୋଟ, 800 ଶହ ପ୍ରକାର ଦିଆସିଲି ଖୋଳ, 600 ପ୍ରକାର ଷ୍ଟାମ୍ପ , 700 ପ୍ରକାର ର ଇନଲଣ୍ଡକାର୍ଡ ସଂଗ୍ରହ କରିଥିବାର ସୂଚନା ଦେଇଛନ୍ତି । ଭାରତ ସମେତ ଅନ୍ୟ ଦେଶର ମୁଦ୍ରା ଏବଂ ଷ୍ଟାମ୍ପ ସମ୍ପର୍କରେ ପରବର୍ତ୍ତୀ ପିଢୀକୁ କିଛି ଜଣାଇବା ହେଉଛି ତାଙ୍କର ପ୍ରୟାସ ।ସେ କେତେକ ସ୍ୱତନ୍ତ୍ର ନମ୍ବରଧାରୀ ନୋଟ ସଂଗ୍ରହ କରି ରଖିଛନ୍ତି । ପରାଧୀନ ଭାରତ ଏବଂ ସ୍ୱାଧୀନ ଭାରତର ଅନେକ ମୁଦ୍ରା , ନୋଟ ଓ ଷ୍ଟାମ୍ପ ମଧ୍ୟ ସଂଗ୍ରହ କରିଛନ୍ତି । ଏହି ମୁଦ୍ରା ସଂଗ୍ରହ କରିବାରେ ତାଙ୍କର ପରିବାର ସଦସ୍ୟ ଓ ସାଙ୍ଗ ସହଯୋଗ କରିଥିବା ସେ କହିଛନ୍ତି । ସଂଗୃହୀତ ଜିନିଷକୁ ଜିଲ୍ଲାର ବିଭିନ୍ନ ପ୍ରଦର୍ଶନୀ ଓ ମେଳାରେ ପ୍ରଦର୍ଶନ କରିବାର ସୁଯୋଗ ଦେଲେ ସେ ଅଧିକ ପ୍ରୟାସ କରିପାରିବେ ବୋଲି କହିଛନ୍ତି ।
