ପାରାଦ୍ଵୀପ ( ଆୱାଜ ମିଡିଆ ) – ଚକ୍ରବର୍ତ୍ତୀ ଓତା : ପୂର୍ବତନ ସରପଞ୍ଚଙ୍କ ବିରୋଧରେ ଅଭିଯୋଗ ଆଣିଲେ ଅସହାୟ ଦମ୍ପତି । କୁଜଙ୍ଗ ଥାନା ଅଧିନ ହଂସୁରା ଗ୍ରାମର ଅସହାୟ ମହିଳା ଙ୍କୁ ଅଶ୍ଳୀଳ ଭାଷାରେ ଗାଳିଗୁଲଜ କରିବା ସହ ତାଙ୍କୁ ମାଡ ମାରିବା ପାଇଁ ଧମକ ଦେଇଥିବା ନେଇ କୁଜଙ୍ଗ ଥାନାରେ ଅଭିଯୋଗ ଆଣିଛନ୍ତି ବୃଦ୍ଧା ଅସହାୟ ମହିଳା ମନୋରମା ମହାପାତ୍ର । ମନୋରମା ଙ୍କ ଘର ସମ୍ମୁଖରେ ଏକ ପାଣି ପାଇପ୍ ଯିବାକୁ ନେଇ ୫ଟି ଗୁଆଗଛ କାଟିବା ପାଇଁ ପୂର୍ବତନ ସରପଞ୍ଚ ତାପସ କୁମାର ରାଉତରାୟ ଜୋର ଜବରଦସ୍ତ କରୁଥିବା ବେଳେ ଏହାକୁ ବିରୋଧ କରି ଆକ୍ରମଣ ର ଶୀକାର ହେବାକୁ ପଡୁଛି ବୋଲି ଅସହାୟ ବୃଦ୍ଧା ମହିଳା ମନୋରମା କହିଛନ୍ତି । ବୃଦ୍ଧା ମନୋରମା ଓ ତାଙ୍କ ସ୍ବାମୀ ଦୁହେଁ ଏକାକୀ ଘରେ ରହୁଥିବା ବେଳେ ତାଙ୍କ ଜୀବନ ପ୍ରତି ବିପଦ ରହିଛି ବୋଲି ଥାନାରେ ଅଭିଯୋଗ କରିଥିବା ବେଳେ ତାଙ୍କୁ ଉପଯୁକ୍ତ ନ୍ୟାୟ ମିଳୁ ବୋଲି ପ୍ରଶାସନ କୁ ଅନୁରୋଧ କରିଛନ୍ତି । ଏପରିକି ରାତି ହେଲେ ସେମାନଙ୍କୁ ଘରୁ ବାହାର କୁ ବାହାରିବା ପାଇଁ କଷ୍ଟକର ହୋଇ ପଡୁଥିବା ବେଳେ ଫଳନ୍ତି ଗୁଆ ଗଛ ଗୁଡିକ କାଟିବା ପାଇଁ ତାଙ୍କୁ ଜୁଲମ କରାଯାଉଛି ବୋଲି ଅଭିଯୋଗ ଆଣିଛନ୍ତି ।
