ଗଜପତି ( ଆୱାଜ ମିଡ଼ିଆ ) – ବିବେକାନନ୍ଦ ବେହେରା : ଗଜପତି ଜିଲ୍ଲା ସଦର ମହକୁମା ପାରଳାଖେମୁଣ୍ଡିକୁ ବିଜେପି ଲୋକସଭା ପ୍ରାର୍ଥୀ ପ୍ରଦୀପ ପାଣିଗ୍ରାହୀ ଦିନିକିଆ ଗସ୍ତ କରିଛନ୍ତି । ଗଜପତି ଜିଲ୍ଲା ବିଜେପି ପକ୍ଷରୁ ଗଜପତି ଷ୍ଟାଡିୟମ ନିକଟରେ ସ୍ୱାଗତ କରାଯାଇ ପୁଷ୍ପଗୁଚ୍ଛ ପ୍ରଦାନ କରାଯାଇଥିଲା । ପରେ ପଟୁଆରରେ କର୍ମୀଙ୍କ ସହ ସହରରେ ଥିବା ବିଜେପି କାର୍ଯ୍ୟାଳୟରେ ପହଞ୍ଚିଥିଲେ । ସେଠାରେ ତାଙ୍କୁ ପାଛୋଟି ନେଇ ସ୍ୱାଗତ ସମ୍ବର୍ଦ୍ଧନା ସଭା ଆୟୋଜନ କରାଯାଇଥିଲା । ଏହି କାର୍ଯ୍ୟକ୍ରମରେ ପାରଳା ବିଧାୟକ କେ ନାରାୟଣ ରାଓ, ପ୍ରଭାରି ଅଶୋକ ମିଶ୍ର, ରାଜ୍ୟ ସାଧାରଣ ସମ୍ପାଦକ ଶାରଦା ଶତପଥୀ, ଗଜପତି ଜିଲ୍ଲା ବିଜେପି ପ୍ରଭାରୀ ସରୋଜ ସାବତ ପ୍ରମୁଖ ମଞ୍ଚାସିନ ଥିଲେ । ଏହି କାର୍ଯ୍ୟକ୍ରମ ପାରଳା ବିଧାୟକ ତଥା ବିଜେପି ସଭାପତି କେ ନାରାୟଣ ରାଓଙ୍କ ସଭାପତିତ୍ୱରେ ହୋଇଥିଲା । ଏହି ଅବସରରେ ବିଜୁ ଯୁବ ଜନତା ଦଳର ଯୁଗ୍ମ ସମ୍ପାଦକ ଦେବୀ ପ୍ରସାଦ ଦାସ, ପୂର୍ବତନ ଆୟକର ଅଧିକାରୀ ତ୍ରିନାଥ କାର୍ଜି, ବରିଷ୍ଠ ଆଇନଜୀବୀ ଏମ୍ ପୃଥିବୀରାଜ୍ ବିଜେପିରେ ସାମିଲ ହୋଇଥିଲେ । ଏହି କାର୍ଯ୍ୟକ୍ରମ ରେ ବହୁ କର୍ମୀ ଓ ନେତା ଉପସ୍ଥିତ ଥିଲେ ।
