କଟକ ସଦର ( ଆୱାଜ ମିଡ଼ିଆ ) – ଶ୍ରୀକାନ୍ତ ବେଉରା : ସହରରେ ବଢୁଥିବା ଜନଗହଳି ଓ ସେଥିପାଇଁ ଦୈନଦିନ ଘଟୁଥିବା ସଡ଼କ ଦୁର୍ଘଟଣାକୁ ଆଖି ଆଗରେ ରଖି କଟକର ସୁନାମଧନ୍ୟ ଅନୁଷ୍ଠାନ କମଳା ବୈକୁଣ୍ଠ ଫାଉଣ୍ଡେସନ ତରଫରୁ ଏକ ଭିନ୍ନ ଧରଣର କାର୍ଯ୍ୟକ୍ରମ ହାତକୁ ନିଆଯାଇଛି ! ଫାଉଣ୍ଡେସନ ତରଫରୁ କଟକ ସହର ବିଭିନ୍ନ ଜନଗହଳି ପୂର୍ଣ୍ଣ ସ୍ଥାନ ମାନଙ୍କରେ ଉତ୍ତଲ ଜବକାଚ ବା ରୋଡ ସେଫ୍ଟି ମିରର ସ୍ଥାପନ କରିବାକୁ ଚିନ୍ତା କରିବା ସହ , ଆଜି ପ୍ରଥମ କରି କଟକ ଶ୍ରୀରାମ ନଗର ସ୍ଥିତ ରୁଚି ମସଲା ଫ୍ୟାକ୍ଟ୍ରି ଓ ମଙ୍ଗଳା ମନ୍ଦିର ନିକଟରେ ଦୁଇଟି ସମତଳ ମିରର ସ୍ଥାପନ କରାଯାଇଛି ! ଆଗାମୀ ଦିନରେ କଟକ ବିଭିନ୍ନ ସ୍ଥାନରେ ଏହି ଭଳି ମିରର ସ୍ଥାପନ କରିବାର ଯୋଜନା ରହିଛି ବୋଲି ଅନୁଷ୍ଠାନ ର ସଂଯୋଜକ ଆୟେଶକାନ୍ତ ମହାପାତ୍ର କହିଛନ୍ତି, ଏହା ସହ ମିଡ଼ିଆ ବନ୍ଧୁ ମାନଙ୍କ ସହାୟତା ରେ ସରକାର ଙ୍କୁ ମଧ୍ୟ ଅନୁରୋଧ କରିଛନ୍ତି କି ଏଭଳି କାର୍ଯ୍ୟକ୍ରମ ପ୍ରତି ସରକାର ଧ୍ୟାନ ଦେଲେ ଓ ଏଭଳି ମିରର ସ୍ଥାପନ କଲେ ରାସ୍ତା ଘାଟରେ ହେଇଥିବା ଅନେକ ଦୁର୍ଘଟଣାରୁ ଲୋକ ବର୍ତ୍ତି ଯାଇ ପାରିବେ ! ଏହି କାର୍ଯ୍ୟକ୍ରମ ରେ ସ୍ଥାନୀୟ ରେକୀ ମିଶନ ପ୍ରତିଷ୍ଠାତା ଗୁରୁ ଶ୍ରୀସନ୍ଥ, ସ୍ଥାନୀୟ କର୍ପୋରେଟର ସୌଭାଗିନି ଜେନା, କଳାକାର ବୀରେନ ମିଶ୍ର , ରେକଡିଷ୍ଟ ପିନ୍ଟୁ ଭାଇ ଉପସ୍ଥିତ ରହିଥିଲେ ! ଏହା ସହ ଫାଉଣ୍ଡେସନ ର ଆତ୍ମଜୀତ ମହାପାତ୍ର, ଅନୁଭବ ଭୋଳ, ସୌମ୍ୟା ଭୋଳ, ଡ: ଅନ୍ୟାନ୍ୟ ଭୋଳ, ସିଦ୍ଧାର୍ଥ ସ୍ୱାଇଁ ଓ ଅନ୍ୟ ସମସ୍ତ ଫାଉଣ୍ଡର ମେମ୍ବର ଉପସ୍ଥିତ ରହି କାର୍ଯ୍ୟକ୍ରମ କୁ ସୁଚାରୁ ରୂପେ କାର୍ଯ୍ୟକ୍ରମ ସମ୍ପନ୍ନ କରିଥିଲେ ।
