ଗଜପତି ( ଆୱାଜ ମିଡ଼ିଆ ) – ବିବେକାନନ୍ଦ ବେହେରା : ଗଜପତି ଜିଲ୍ଲା ପାରଳାଖେମୁଣ୍ଡି ସମୁଟିଆ ସାହି ରେ ଆଜି ମା ଶ୍ରୀ ଶ୍ରୀ ଶ୍ରୀ ଫୁଲସୁନ୍ଦରୀ ଠାକୁରାଣୀ ଯାତ୍ରା ପାଇଁ ଶୁଭଖୁଣ୍ଟି ପୂଜା ପ୍ରତିଷ୍ଠା କରାଯାଇଥିଲା । ଏହି ଶୁଭ ପୂଜା ରେ ମୁଖ୍ୟ ଅତିଥି ଭାବରେ ହାଇଟେକ ଗ୍ରୁପ ଅଧକ୍ଷ ଡକ୍ଟର ତିରୁପତି ପାଣିଗ୍ରାହି ଓ ଜିଲ୍ଲା ପରିଷଦ ଅଧ୍ୟକ୍ଷ ଗବାରା ତିରୁପତି ରାଓ ଉପସ୍ଥିତ ରହି ମା ଙ୍କ ଆଶୀର୍ବାଦ ଗ୍ରହଣ କରିବା ସହିତ ସମସ୍ତଙ୍କର ମଙ୍ଗଳ କାମନା କରିଛନ୍ତି । ଏହି ଠାକୁରାଣୀ ଯାତ୍ରା ଟି ପାଞ୍ଚ ବର୍ଷ କୁ ଥରେ ସାତ ଦିନ ପାଇଁ କରାଯାଇଥାଏ , ଏହି ଯାତ୍ରା କୁ ଦେଖିବାକୁ ପ୍ରାୟ ଦଶ ହଜାର ରୁ ପନ୍ଦର ହଜାର ପର୍ଯ୍ୟନ୍ତ ଲୋକଙ୍କ ଭିଡ଼ ଜମିଥାଏ । ମା ଙ୍କ ଠାରେ ନିଜ ନିଜର ପିଲା ମାନଙ୍କ ର ଭବିଷ୍ୟତ ମଙ୍ଗଳ ନିମନ୍ତେ ପୂଜାର୍ଚ୍ଚନା କରିଥାନ୍ତି । ମା ଙ୍କୁ କିଛି ଶୀତଳ ପୂଜା କଲେ ସାହି ର କିଛି ଅଘଟଣ ଘଟେ ନାହିଁ ଓ ସୁଖ ଶାନ୍ତି ରେ ରହିବେ , ପିଲାଙ୍କୁ ହଇଜା ହେବନି ,ପିଲାଙ୍କୁ ଝାଡ଼ା ବାନ୍ତି ହେବନି ଓ ମିଳିମିଳା ରୋଗ ହେବନି ବୋଲି ପ୍ରତ୍ୟେକ ସାହି ରେ ମା ଙ୍କୁ ପୂଜାର୍ଚ୍ଚନା ବିଶ୍ୱାସ ସହ ବଡ଼ ଆଡମ୍ବର ସହ କରିଥାନ୍ତି, ଏହି କାର୍ଯ୍ୟକ୍ରମ ରେ ପୂଜା କମିଟି ର ଜାନକୀ ବେହେରା, କୃଷ୍ଣ ବେହେରା, ମଧୁ ବେହେରା, ସୁର ପ୍ରଧାନ, ଭାରତ ଭୂଷଣ ମହାନ୍ତି ସହ ସ୍ଥାନୀୟ ଶତାଧିକ ଲୋକେ ଉପସ୍ଥିତ ଥିଲେ !
