ବାଙ୍କୀ ( ଆୱାଜ ମିଡ଼ିଆ ) – ଅନନ୍ତ ରଣା : ବାଙ୍କୀ ରାଜନୀତି ରେ ସବୁ ଦିନ ଆସୁଛି ନୂଆ ନୂଆ ଟ୍ଵିଷ୍ଟ ! କେତେବେଳେ ପୁରୁଣା ବିଜେପି କର୍ମୀ ଓ ନେତା ଦଳୀୟ ପ୍ରାର୍ଥୀଙ୍କୁ ବିରୋଧ କରି ସଭା ସମିତି କଲେଣି ତ ଆଉ କେବେ ପୁରୁଖା ବିଜେଡି ନେତା ଦଳ ଛାଡି କଂଗ୍ରେସ ପ୍ରାର୍ଥୀଙ୍କୁ ଭୋଟ ଦେବା ପାଇଁ ଆହ୍ୱାନ ଦେଲେଣି ! ତ୍ରିଶୁଳିଆ ଠାରୁ ଆରମ୍ଭ କରି ପର୍ଶୁରାମପୁର ଯାଏଁ ଲାଗି ରହିଛି ନିର୍ବାଚନୀ ଉଷ୍ମତା ! ବାରଙ୍ଗ ଅଞ୍ଚଳର ପୁରୁଖା ବିଜେଡି ନେତା କବିନ୍ଦ୍ର ସିଂହ ବିଜେଡି ରୁ ଇସ୍ତଫା ଦେବା ସହିତ ନିଜ ସମର୍ଥକ ମାନଙ୍କୁ ଏକାଠି କରି କଂଗ୍ରେସ ପ୍ରାର୍ଥୀ ଦେବାଶିଷ ପଟ୍ଟନାୟକ ଙ୍କୁ ସମର୍ଥନ ଘୋଷଣା କରିଛନ୍ତି ! ଦଳ ନୁହେଁ , କି ଚିହ୍ନ ନୂହେଁ – ଏଥର ବ୍ୟକ୍ତିତ୍ବ ଦେଖି ଭୋଟ ଦେବେ ବାଙ୍କୀ ବାରଙ୍ଗ ବାସୀ ! ଏପରି ଏକ ପରିବର୍ତ୍ତନ ର ନାରା ଦେଇ ଜନ ସମାବେଶ ଆୟୋଜନ କରିଥିଲେ ବାରଙ୍ଗ ଅଞ୍ଚଳର ଜଣାଶୁଣା ରାଜନୈତିକ ବ୍ୟକ୍ତିତ୍ୱ କବିନ୍ଦ୍ର ସିଂହ ! ଭାରତୀୟ ଜନତା ପାର୍ଟି ରୁ ରାଜନୈତିକ ଜୀବନ ଆରମ୍ଭ କରିଥିବା କବିନ୍ଦ୍ର ସିଂହ , ପରେ ଦୀର୍ଘ ଦିନ ଧରି ବିଜେଡି ର ଜଣେ ଆଗଧାଡିର ନେତା ଭାବରେ କାର୍ଯ୍ୟ କରି ଆସିଥିଲେ ! ବିଭିନ୍ନ କାରଣକୁ ନେଇ ଦଳୀୟ ନେତାଙ୍କ ସହିତ ମତ ପାର୍ଥକ୍ୟ ହେବା ପରେ ଅଳ୍ପ ଦିନ ତଳେ ବିଜେଡି ରୁ ଇସ୍ତଫା ଦେଇ , ଏବେ ନୂଆ ଥିମ ରେ ଆରମ୍ଭ କରିଛନ୍ତି ନିର୍ବାଚନୀ ଗୋଟି ଚାଳନା ! ତ୍ରିଶୁଳିଆ ମୁଖ୍ୟ ବଜାର ପାଖରେ ଆୟୋଜିତ କାର୍ଯ୍ୟକ୍ରମରେ ଆସନ୍ତା ନିର୍ବାଚନରେ କଂଗ୍ରେସ ପ୍ରାର୍ଥୀ ଦେବାଶିଷ ପଟ୍ଟନାୟକ ଙ୍କୁ ସମର୍ଥନ କରିବା ପାଇଁ ଘୋଷଣା କରିଛନ୍ତି ! ବାରଙ୍ଗ ବ୍ଲକ ର ବିଭିନ୍ନ ପଞ୍ଚାୟତରୁ ଯୋଗ ଦେଇଥିବା ସମର୍ଥକ ମଧ୍ୟ ଏହି ନିଷ୍ପତ୍ତିକୁ ସ୍ୱାଗତ କରିବା ସହିତ , ବାଙ୍କୀ ରେ ପରିବର୍ତ୍ତନର ଧାରା ବାରଙ୍ଗ ରୁ ଆରମ୍ଭ ହେଲା ବୋଲି କହିଛନ୍ତି ! ଅନ୍ୟ ପକ୍ଷରେ ବିଜେପି ବିଧାୟକ ପ୍ରାର୍ଥୀ ତୁଷାରକାନ୍ତ ଚକ୍ରବର୍ତ୍ତୀ ବାରଙ୍ଗ ବ୍ଲକ ର 32 ନମ୍ବର ଜୋନ୍ରୁ ଜିଲ୍ଲା ପରିଷଦ ଭାବରେ ନିର୍ବାଚିତ ହୋଇଥିଲେ , ସେହିପରି ବିଜେଡି ପ୍ରାର୍ଥୀ ଦେବୀରଞ୍ଜନ ତ୍ରୀପାଠୀ ଙ୍କ ମାମୁଁ ଘର ବାରଙ୍ଗ ଅଟେ ! ଏବେ ଦେଖିବାକୁ ବାକି ରହିଲା କିଏ ପ୍ରଭାବିତ କରୁଛି ବାରଙ୍ଗ ର ସଚେତନ ଭୋଟରଙ୍କୁ !
