ଗଜପତି ( ଆୱାଜ ମିଡ଼ିଆ ) – ବିବେକାନନ୍ଦ ବେହେରା : ଗଜପତି ଜିଲ୍ଲା ସଦର ମହକୁମା ପାରଳାଖେମୁଣ୍ଡି ସ୍ଥିତ ଜଗନ୍ନାଥ ମନ୍ଦିରରେ ପବିତ୍ର ରକ୍ଷା ବନ୍ଧନ ଉତ୍ସବ ଓ ବଳଭଦ୍ର ଙ୍କ ଜନ୍ମ ଉତ୍ସବ ପାଳନ ହୋଇଯାଇଛି । ଭୋରରୁ ଯଥା ରୀତିନୀତିରେ ତିନି ଠାକୁରଙ୍କ ନିତି କାନ୍ତି ସହ ମଙ୍ଗଳ ଆଳତୀ କରାଯାଇଥିଲା । ବହୁ ଦୂର ଦୁରନ୍ତାରୁ ଠାକୁରଙ୍କୁ ଦର୍ଶନ କରିବା ପାଇଁ ଭକ୍ତଙ୍କ ସମାଗମ ହୋଇଥିଲା । ଏହି ପବିତ୍ର ଦିବସରେ ଭକ୍ତ ମାନେ ଫୁଲ ଫଳ ନଡ଼ିଆ କଦଳୀ ସହ ଠାକୁରଙ୍କ ପାଇଁ ରାକ୍ଷୀ ଆଣି ପୂଜାର୍ଚ୍ଚନା କରିଥିଲେ । ମନ୍ଦିର ପରିସରରେ ଏକ ଆଧ୍ୟାତ୍ମିକ ପରିବେଶ ସୃଷ୍ଟି ହୋଇଥିଲା ।
