ବାଙ୍କୀ ( ଆୱାଜ ମିଡ଼ିଆ ) – ଅନନ୍ତ ରଣା : ବାଙ୍କୀ – ଡମପଡା ଡିଜିଟାଲ ମିଡ଼ିଆ ୟୁନିୟନ ର ନବ ନିର୍ବାଚିତ କର୍ମକର୍ତ୍ତା ଙ୍କୁ ସମ୍ୱର୍ଦ୍ଧନା କାର୍ଯ୍ୟକ୍ରମ ! ଓଡିଶା ଡିଜିଟାଲ ମିଡ଼ିଆ ମହାସଂଘ ସହ ଅନୁବନ୍ଧିତ ବାଙ୍କୀ ଡମପଡା ଡିଜିଟାଲ ୟୁନିୟନ ର ଏକ ସାଙ୍ଗଠନିକ ବୈଠକ ଏବଂ ସମ୍ବର୍ଦ୍ଧନା କାର୍ଯ୍ୟକ୍ରମ କଳାପଥର ଡାକ ବଙ୍ଗଳା ରେ ଆୟୋଜିତ ହୋଇଯାଇଛି ! ଡିଜିଟାଲ ମିଡ଼ିଆ ରେ କାର୍ଯ୍ୟରତ ସାମ୍ବାଦିକ ମାନଙ୍କର ସମ୍ମାନ ସୁରକ୍ଷା ଏବଂ ଅଧିକାର ର ଦାବୀ ନେଇ ସଂଗଠନ କାମ ଜାରି ରଖିଥିବା ଓଡିଶା ଡିଜିଟାଲ ମିଡ଼ିଆ ମହାସଂଘ ଏ ମଧ୍ୟରେ କଟକ ଜିଲ୍ଲାର ସମସ୍ତ ବ୍ଲକ ରେ ସାଙ୍ଗଠନିକ ବୈଠକ ଆୟୋଜନ କରି ସାରିଥିବା ସମୟରେ ବାଙ୍କୀ – ଡମପଡା ଏବଂ ବଡମ୍ବା – ନରସିଂହପୁର ସଂଗଠନର କର୍ମକର୍ତ୍ତା ଚୟନ ସମାପ୍ତ ହୋଇଛି ! ଆୟୋଜିତ କାର୍ଯ୍ୟକ୍ରମରେ ମହାସଂଘର ରାଜ୍ୟ ସଭାପତି ସତ୍ୟବ୍ରତ ଦାଶ , ରାଜ୍ୟ ମିଡ଼ିଆ ସଂଯୋଜକ ବର୍ଷା ଦାସ , ରାଜ୍ୟ ସଂଘ ସଦସ୍ୟ ବିଶ୍ବଜିତ ମହାପାତ୍ର , ଅଶୋକ କୁମାର ରଣା , ବାଙ୍କୀ ମା ଚର୍ଚ୍ଚିକା ସାମ୍ବାଦିକ ସଂଘର ସମ୍ପାଦକ ମନୋଜ କୁମାର ଦଳେଇ ପ୍ରମୂଖ ଉପସ୍ଥିତ ରହିଥିଲେ ! ବାଙ୍କୀ ଶାଖାର ସଭାପତି ମାନସ କୁମାର ସାହୁ , କାର୍ଯ୍ୟକାରୀ ସଭାପତି ମୃତ୍ୟୁଞ୍ଜୟ ମହାପାତ୍ର , ଜିଲ୍ଲା କମିଟି ସଦସ୍ୟ ପୂର୍ଣ୍ଣଇନ୍ଦୁ କୁମାର ନାୟକ , ଉପ ସଭାପତି ସୁଶାନ୍ତ କୁମାର ନାୟକ , ସମ୍ପାଦକ ସୁବ୍ରତ କୁମାର ନାୟକ ପ୍ରମୂଖ ଙ୍କୁ ସଦସ୍ୟ ମାନେ ସମ୍ବର୍ଦ୍ଧନା ପ୍ରଦାନ କରିଥିଲେ ! ଦାବୀ ହାସଲ ପାଇଁ ସଂଘ ତରଫରୁ ବିଧାନସଭା ଚାଲ ଡାକରା ଦିଆ ଯାଇଥିବା ସମୟରେ ଆଗାମୀ ଦିନରେ କଟକ ଜିଲ୍ଲା ସଂଘ ତରଫରୁ ଜିଲ୍ଲାପାଳଙ୍କୁ ଦାବୀପତ୍ର ପ୍ରଦାନ କରାଯିବାର ଯୋଜନା ରହିଅଛି !
