ଯାଜପୁର ( ଆୱାଜ ମିଡ଼ିଆ ) – ଜିଜ୍ଞାସୁ ସାହୁ : ସୁକିନ୍ଦାଗଡରେ ଅନୁଷ୍ଠିତ ହେଉଥିବା ମା ଖଣ୍ଡୁରାଇ ପୂଜାଉତ୍ସବର ଚତୁର୍ଥ ଦିନରେ ସୁକିନ୍ଦା ବିଧାୟକ ତଥା ସମବାୟ ମନ୍ତ୍ରୀ ପ୍ରଦୀପ ବଳସାମନ୍ତ ମୁଖ୍ୟ ଅତିଥି ଭାବେ ଯୋଗଦେଇ ସୁକିନ୍ଦା ବାସୀଙ୍କୁ କୃତଜ୍ଞତା ଜଣାଇଛନ୍ତି । ଗତ ନିର୍ବାଚନରେ ସୁକିନ୍ଦାବାସୀ ମନ୍ତ୍ରୀ ଶ୍ରୀ ବଳସାମନ୍ତଙ୍କୁ ବିପୁଳ ସମର୍ଥନ ଦେଇଥିବାରୁ ସେ ସୁକିନ୍ଦା ବାସୀଙ୍କ ନିକଟରେ ରୁଣୀ ବୋଲି ସର୍ବ ସମ୍ମୁଖରେ ମତବ୍ୟକ୍ତ କରିଥିଲେ । ସୁକିନ୍ଦା ନିର୍ବାଚନ ମଣ୍ଡଳୀକୁ ରାଜ୍ୟର ଏକ ନମ୍ବର ନିର୍ବାଚନ ମଣ୍ଡଳୀରେ ପରିଣତ କରିବାକୁ ସଂକଳ୍ପ ବଦ୍ଧ ବୋଲି ସେ କହିଥିଲେ । ଯାଜପୁର ସାଂସଦ ରବୀନ୍ଦ୍ର କୁମାର ବେହେରା ଏହି କାର୍ଯ୍ୟକ୍ରମରେ ସମ୍ମାନୀତ ଅତିଥି ଭାବେ ଯୋଗଦେଇ ମା ଖଣ୍ଡୁରାଇ ଙ୍କ ମନ୍ଦିରର ଉନ୍ନତିକରଣ ପାଇଁ ସାଂସଦ ପାଣ୍ଠିରୁ ଅନୁଦାନ ଯୋଗାଇଦେବାକୁ ପ୍ରତିଶ୍ରୁତି ଦେଇଛନ୍ତି । ସୁକିନ୍ଦାର ସୁନାମଧନ୍ୟ ଚଳଚ୍ଚିତ୍ର ଗାୟିକା ସୃତୀ ସୌଜନ୍ୟା ପୁହାଣଙ୍କ ଦ୍ଵାରା ମେଲୋଡି କାର୍ଯ୍ୟକ୍ରମ ଦର୍ଶକଙ୍କ ମନ ମୋହିଥିଲା । ସୁକିନ୍ଦାଗଡ଼ ଖଣ୍ଡୁରାଇ ପୂଜା କମିଟି ପକ୍ଷରୁ ଅତିଥି ମାନଙ୍କୁ ଭବ୍ୟ ସ୍ବାଗତ ସମ୍ବର୍ଦ୍ଧନା କରାଯାଇଥିଲା । ପୂଜା କମିଟି ପକ୍ଷରୁ ବିମଳେନ୍ଦୁ ବେହୁରା , ରାଇଚରଣ ମହାନ୍ତି, ଅନ୍ତର୍ଯ୍ୟାମୀ ଦ୍ବିବେଦୀଙ୍କ ସମେତ ସମସ୍ତ ସଭ୍ୟ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ ।
